16-22 YA JUNHO
MIRUKU 18
Nsipo 90 ni Nivekelo | Masu Oopacerya (1 min.)
1. Mwaalipiheke Ale Aniwereyasiwa
(10 min.)
Mwaarumeeleke ankhili a Muluku okathi munilavula anyu. (Mir 18:4; Owehaweha 10/2022 epaax. 22 etti. 17)
Mwiimananiheke osuwela muxankiho orina awe mutthu owo. (Mir 18:13; Owehaweha 04/2020 ipaax. 15-16 itti. 6-7)
Mukhaleke mpatthani onikhaliherya ni oopixa murima. (Mir 18:24; Owehaweha 01/2023 epaax. 14 etti. 3-epaax. 15 etti. 1)
MWIIKOHEKE SO: ‘Kinrowa opaka exeeni wiira kimukhaliherye ole kithelanne aka akhala wiira ookhalana oretta wa weerutthuni aahiiso mmuupuweloni?’
2. Itthu sa Efaita sa Mbiibiliyani
(10 min.)
Mir 18:1 — Nipakeke exeeni wiira Yehova onikhaliherye? (Owehaweha 01/2024 epaax. 24 etti. 13)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Mir 18:1-17 (Wiixuttiha yoosoma 11)
4. Ovaanela Woopacerya
(1 min.) OLALEERYA EMPA NI EMPA. Mutthu owo onilavula nttaava nikina. (Waaphenta Atthu yoosoma 2 eponto 5)
5. Ohihiya Waakhaliherya
(3 min.) OLALEERYA MAPURO OOWAATTA ATTHU. Vakhala wiira mutthu owo onooleelani wiira muhipise. (Waaphenta Atthu yoosoma 7 eponto 4)
6. Ohihiya Waakhaliherya
(3 min.) OLALEERYA MOOHIILOKIHERYA. Mmwiixuttihe mutthu owo ekeekhai ya efaita yinceene voohimya sa Omwene wa Muluku. (Waaphenta Atthu yoosoma 9 eponto 5)
7. Otthokiherya Sookupali Sanyu
(4 min.) Yoowooniherya. Itthu Sinimakela Okohiwa Anamoona a Yehova mwaha 29 — Muru: Nyuwo Munnikupali Wiira Itthu Siroopattuxiwa? (Waaphenta Atthu yoosoma 5 eponto 5)
Nsipo 144
8. Mwaakhaliheryeke Amusi Anyu Omurumeela Yehova “Muhilavunle Etthu”
(15 min.) Mwaha ni makoho vakhaani.
Anamunceene a hiyo nookhalana mutthu nimmusuwela ahu ohinimurumeela Yehova. Mutthu owo pooti okhala yoole othelanne ahu, wala mwanihu, aahiiso mutthu yoole ohiyale orowa omuthukumanoni wala olaleerya. Niireke nyuwo mootoko waakhanyererya atthu awo wiira amurumeeleke Yehova? Nnaamwi yoolakela ahu eri ene waakhaliherya, masi naahikhalane ephoole, moolumo ahu pooti ohonona itthu. (Mir 12:18) Nto enamuna xeeni yooloka ya waakhaliherya?
Yoolepa ya 1 Pedru 3:1 enihimya wiira mulopwana oohaamini, onoowerya waamini hata mwaarawe ‘ohilavunle etthu’. Murokora otheliwe ni mulopwana ohinimurumeela Yehova, hata mulopwana owo oheemereryaka olavula voohimya sa Yehova, murokora owo onoowerya omukhaliherya iyawe omusuwela Yehova mooreerela murima. Mweettelo awe yoowo oneettihiwa ni mikhalelo sa Muluku ntoko ophenta, oreera murima, ni ankhili, pooti omwiiriha iyawe wiixutta voohimya sa Yehova. (Mir 16:23) Tthiri, mweettelo ahu ni waareerela wahu murima, pooti waakhaliherya amusi ahu ale ahinimurumeela Yehova. — Owehaweha 15/06/2010 ipaax. 20-21 itti. 4-6.
Nwehe EVIIDIYU Alipa-Oowanela Waamini Waya Ooxintta — Ale Athelanne ni Mutthu Ohinaamini. Nuumala-vo, mwaakohe alipa-oowiriyana makoho anittharelana:
Muniixutta exeeni ni yoowiiraneya ya murokora Sasaki?
Muniixutta exeeni ni yoowiiraneya ya murokora Ito?
Muniixutta exeeni ni yoowiiraneya ya murokora Tomoe?
9. Yoosoma ya Biibiliya ya Muloko
(30 min.) Mwiixutte Myaha sa Biibiliya yoosoma 87