20-26 YA OUTUBRO
MUSUWELI 9-10
Nsipo 30 ni Nivekelo | Masu Oopacerya (1 min.)
1. Mukhalaneke Moonelo Wooloka ni Mixankiho Sanyu
(10 min.)
Ninnisuwela wiira okathi sinniphwanya aya mixankiho, eyo khentaphulela wiira Yehova ooninyanyala. (Mu 9:11; Owehaweha 15/08/2013 epaax. 14 itti. 20-21)
Ninnisuwela wiira olumwenku ola wa Satana sinoonikhumelelaka mixankiho. (Mu 10:7; Owehaweha 09/2019 epaax. 5 etti.10)
Niivaheke okathi wiira niwehe itthu sooloka Yehova onnipakela awe, hata okathi wa mixankiho. (Mu 9:7, 10; Owehaweha 15/10/2011 epaax. 8 itti. 1-2)
2. Itthu sa Efaita sa Mbiibiliyani
(10 min.)
Mu 10:12-14 — Iversiikulu iya sinnilopola sai voohimya sa ohankawaani? (Perspicaz vol. 2 epaax. 1079 itti. 4, 8)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Mu 10:1-20 (Wiixuttiha yoosoma 11)
4. Ovaanela Woopacerya
(3 min.) OLALEERYA MAPURO OOWAATTA ATTHU. Mpacerihe ovaanela ni mutthu onikhala ntoko wiira oriipiwe murima. (Waaphenta Atthu yoosoma 3 eponto 4)
5. Ovaanela Woopacerya
(4 min.) OLALEERYA MOOHIILOKIHERYA. Mulavule ni mutthu onihimya wiira oroxankiheya ni ohaawa. Murumeele epantta eni: “Myaha sa Mbiibiliyani Sinnisivela Owiixuttiha Atthu”, siri Apendise A, ebroxuura Waaphenta Atthu. (Waaphenta Atthu yoosoma 4 eponto 4)
6. Waapaka Awiixutti
(5 min.) Okumi Woohimala! yoosoma 17: iponto suulupale, wuuluula ni yoolakela aka. (Waaphenta Atthu yoosoma 12 eponto 3)
Nsipo 47
7. Yehova Onimookhaliheryani Okathi wa Ehasara
(15 min.) Mwaha ni makoho vakhaani.
Khula nihiku sinninikhumelela mixankiho soovirikana. Masi mixankiho sikina sinikhumelela mootutuxerya. Nave sikina ti sootepa otakhala nnuupuwela ahu wiira khaninwerya oxintta. Etthu xeeni enrowa onikhaliherya okathi enikhumelela aya ehasara?
Moohixikha muxankiho onrowa oniphwanya, Yehova ‘onoonivaha murettele’. (Yes 33:6) Wiira nooniherye wiira ninnimuroromela Yehova, nihaana okhala oowiiyeviha. (Mir 11:2) Okathi sinniphwanya aya mixankiho, ninniprisari okathi munceene wiira niikhapelele aahiiso waakhapelela atthu waaphwanye muxankiho. Nave onipirisari ovira okathi wiira niwerye opaka soothanla sooloka. (Mu 4:6)
Okhala wiira Yehova onaarumeela anna ni arokora wiira anilipihe, nto nihaana weemererya malakiheryo ninvahiwa ahu ni ovekela nikhaliheryo. Muhiliyale wiira anna ni arokora annoophentani vanceene, nto eyo enniwiiriha ohakalala ni ohihiya wookhaliheryani.
Mmusome 2 aKorinto 4:7-9. Nuumala-vo, mwaakohe alipa-oowiriyana nikoho ninttharelana:
Xeeni vari aya vooloka ohihiya orowela mithukumano, omusoma Biibiliya ni olaalerya hata vahikhweyaka opaka eyo?
Nwehe EVIIDIYU Yehova Ori Vakhiviru wa Atthu Ariipiwe Murima. Nuumala-vo, mwaakohe alipa-oowiriyana nikoho ninttharelana:
Moota xeeni Yehova omukhalihenrya awe munna ni murokora Septer?
Moota xeeni anna ni arokora yaakhaliherye aya anamathelana ale?
Etthu xeeni mwiixuntte anyu ni ntakiheryo naya?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya moolumo oopacerya a epantte 6 ni yoosoma 28 ni 29