13-19 YA OUTUBRO
MUSUWELI 7-8
Nsipo 39 ni Nivekelo | Masu Oopacerya (1 min.)
1. “Oxekurya Etthoko Eripiwe Murima”
(10 min.)
Mphaveleke okathi wiira mwaalipihe ale aninla. (Mu 7:2; Perspicaz vol. 2 epaax. 690 etti. 9)
Mwaamaaliheke mulavulaka itthu sooloka sa ole okhwiiye. (Mu 7:1; Owehaweha 06/2019 epaax. 23 etti. 15)
Munleke vamosa ni ale aninla. (Owehaweha 07/2017 epaax. 16 etti. 16)
WIIRA MUUPUWEELELE: Ikwaha sikina ale akhweliwe annipirisari oviriha okathi munceene akhaliheriwaka ni anna ni arokora. — Owehaweha 07/2017 epaax. 16 itti. 17-19.
2. Itthu sa Efaita sa Mbiibiliyani
(10 min.)
Mu 7:20-22 — Moota xeeni iversiikulu iya sinrowa aya onikhaliherya osuwela, akhala wiira vannireerela ovaanela aahiiso ohivaanela ni mutthu onitthekenle? (Owehaweha 03/2023 epaax. 31 etti. 18)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Mu 8:1-13 (Wiixuttiha yoosoma 10)
4. Ovaanela Woopacerya
(2 min.) OLALEERYA MAPURO OOWAATTA ATTHU. Musuweleke mwaha okhanle oomusivela mutthu owo ni mpake mareheryo wiira mutthikele ovaanelana. (Waaphenta Atthu yoosoma 2 eponto 4)
5. Ovaanela Woopacerya
(2 min.) OLALEERYA MOOHILOKIHERYA. (Waaphenta Atthu yoosoma 2 eponto 3)
6. Ohihiya Waakhaliherya
(2 min.) OLALEERYA EMPA NI EMPA. Mmooniherye esaiti jw.org. (Waaphenta Atthu yoosoma 9 eponto 4)
7. Otthokiherya Sookupali Sanyu
(5 min.) Yoowooniherya. Itthu Sinimakela Okohiwa Anamoona a Yehova mwaha 50 — Muru: Anamoona a Yehova anipaka sai masikho aya? (Wiixuttiha yoosoma 17)
Nsipo 151
8. Mwaaminiki Yooleiherya ya Ohihimuxiwa
(15 min.) Mwaha ni makoho vakhani.
Yooleiherya ya ohihimuxiwa Yehova onnivaha awe, ti yootepexa okhalana efaita. Yooleiherya eyo enniniixuttiha mikhalelo sa Yehova ntoko owerya wawe, osuwela, omoriwa ikharari ni otepexa wene ophenta onnooniherya awe. — Yoh 3:16.
Okathi nnaamini ahu yooleiherya ya ohihimuxiwa, khinintepa oxankiheya ni itthu siniiraneya. (2 aKo 4:16-18) Nave-tho ninnikhalana murettele ni omaaleleya okathi ninlupatthiwa ahu, owereiwa wala okathi onikhwa awe ole namphenta ahu. (1 aTe 4:13) Akhala wiira khannaamini nlipelelo na ohihimuxiwa, khaninrowa okhalana ohakalala weekeekhai. (1 aKo 15:19) Nto munoonela sai olipiha waamini wanyu yooleiherya eyo yootepa oreera?
Mmusome Yohani 11:21-24. Nuumala-vo mwaakohe alipa-oowiriyana makoho anittharelana:
Moota xeeni Marta oonihenrye awe wiira aanaamini yooleiherya ya ohihimuxiwa?
Owo aareelihiwe sai mwaha wa waamini wawe? — Yoh 11:38-44
Nwehe EVIIDIYU Mwaatakiheke Athiyana Yaarina Waamini Woolipa! — Marta. Nuumala-vo mwaakohe alipa-oowiriyana makoho anittharelana:
Xeeni nlipelelo na ohihimuxiwa niri aya na efaita para nyuwo?
Exeeni mukhanle anyu oopaka wiira mulipihe waamini wanyu nlipelelo nlo?
9. Yoosoma ya Biibiliya ya Muloko
(30 min.) Mwiixutte Myaha sa Biibiliya yoosoma 26 ni 27