Murumeeleke “mareeliho anikhuma wa Muluku”

Ootheene ahu ninniphavela olipihiwa okathi ninkhala ahu ni anna ni arokora. Biibiliya onihimya wiira olipiha waamini wa atthu akina “mareeliho anikhuma wa Muluku”. (Arom. 1:​11, 12) Masi waalipiha atthu akina, khahiyo paahi oviriha okathi niri ene ni atthu awo. Nto etthu xeeni nikhanle ahu oopaka wiira nirumeele mareeliho awo anikhuma wa Muluku?

Mwaalipiheke ni moolumo anyu. Mwa ntakiheryo, vaavo munikomentari anyu okathi wa mithukumano, mukhalaneke ephoole wiira muhilavuleke vanceenexa muupuwelo anyu ni itthu siwiiranenleni. Ohiya opaka eyo, mulavuleke itthu Yehova, Biibiliya ni arumeyi awe oororomeleya, awiixuttihalyaayani. Nave, okathi munivaanela anyu ni anna ni arokora, mulavuleke itthu sinilipiha waamini waya.

Soothanla sanyu ni itthu munipaka anyu, saalipiheke anna ni arokora. Mwa ntakiheryo, anna ni arokora anceene annimananiha ohihiya muteko wa Muluku wa okathi wootheene, hata akumanaka mixankiho. Nave, akina annivaha ntakiheryo nooloka na ohicompela mithukumano, hata awereyasiwaka aahiiso akhulumunwe ene, mwaha wa muteko anivara aya. Mwaarina ene mixankiho iyo, mwiimananiheke waalipiha anna ni arokora, hata vahikhweyaka.

Niireke itthu munihimya anyu ni munipaka anyu, sinnaalipiha anna ni arokora? Niireke itthu anna ni arokora anihimya aya ni anipaka aya, sinnoolipihani?