Yoosoma 7

Yoolopola Ya Mahiku Oovira

Yehova khoneemererya wira atakhali amunyaanye Parayiisu. Mmo munrowa okhalaka paahi apatthani awe. Exeeni enrowa owiiraneela atakhali? Wi musuwele waakhula, thokoreryani yowiiraneya yekeekhai ya Nowee. Owo aakhanle iyaakha sinceene khalai. Aari mutthu ooloka ni aanilipiherya wiira yotthuna ya Yehova. Masi atthu akina yaapaka itthu sootakhala. Tivo Yehova aahimuleela Nowee wira Owo aamuruuha epula ya mutaaseke wira aapwetexe atthu otheene ootakhala. Aahimuruma Nowee opaka ekalawa, wira owo ni emusi awe ahikhwaase yaphiya Epula ya Mutaaseke.—Maphattuwelo 6:9-18.

Nowee ni emusi awe yaahipaka ekalawa. Nowee aahaaleela atthu orwa wa Epula ya Mutaaseke, masi awo khayaiwelenle. Yahitthikela opaka sootakhala. Numala opaka ekalawa, Nowee aahikeliha inamaa mukalawani navee owo ni emusi awe yahikelasa. Yehova aahimuruuha munamukhaya mulupale. Yaahirupa epula yinceene mpakha mahiku 40, othana ni ohiyu. Maasi yahisareya veelaponi yotheene.—Maphattuwelo 7:7-12.

Alipa ootakhala yahipwetexiwa, masi Nowee ni emusi awe yahivuluwa. Yehova aahiwoopola mu Epula ya Mutaaseke aakuha elapo yooreera. (Maphattuwelo 7:22, 23) Biibiliya onihimya wi vasya-tho onoophiya okathi yoole Yehova onrowawe wapwetexa ale ankhootta wiira yooloka. Aniira sooloka khanrowa opwetexiwa. Anrowa okhalaka mmahiku otheene mparayiisu valaponi.—2 Pedru 2:5, 6, 9.

Mahiku ala, anceene aniira itthu sootakhala. Elapo yoosareya mixankiho. Yehova onnaaruma Anamoon’awe ikwaha sinceene wira yaalopole atthu, masi anamunceene khamphavela wiiwa nuulumo na Yehova. Awosa khamphavela ohiya mukhalelo aya woonanara. Khamphavela wemererya yeele Muluku ehimmya awe erii yookhalela ni yoovonyeya. Exeeni enrowa wakhumelela atthu ala? Nireke anoottharuwa mwettelo ola nihiku nikina? Anceene khanrowa ottharuwa. Onoophiya okathi vaavo atakhali anrow’aya opwetexiwa ni khanrowa okhala-tho.—Esalimo 92:7.

Elapo khenrowa onyaanyiwa; ela enrowa opakiwa eparayiisu. Ale anrowa okhala apatthani a Muluku anrowa okhalaka mParayiisu mahiku otheene valaponi.—Esalimo 37:29.