EPANTTE 8
Okhwa wa Yesu Onitaphulela Exeeni wa Nyuwo?
Okhwa wa Yesu onniniphwanyiha ekumi. Yohani 3:16
Mahiku mararu nuumala Yesu okhwa, athiyana akina yaahirowa oxukurya ekhapuri ya Yesu, khihiphwanya etthu. Yehova aahimuhihimuxa Yesu.
Valekenle ene Yesu ahooniwa ni arummwa awe.
Tthiri Yehova aahimuhihimuxa Yesu khukhala yoopattuxiwa yoomunepani yoowerya ni ehinikhwa. Arummwa awe yaahimoona Yesu orowaka wiirimu.
Muluku omuhihimuxa Yesu khumukhaliha Mwene a Omwene wa Wiirimu.—Daniyeli 7:13, 14
Yesu aahileva okumi awe wira owoopole apinaatamu. (Matheyo 20:28) Orweela mwa yowoopola Muluku onnineemererya ophwanya ekumi yoohimala.
Yehova oomuthanla Yesu wira okhale Mwene a elapo yotheene. Owo onrowa okhalaka ni atthu oororomeleya yaale ahihimuxiwe wira yakhaleke wiirimu yaawo ari 144,000. Atthu awo vamosa ni Yesu, anrowa wiirela mpantta ekuvernu ya xariya ya wiirimu, eyo piiyo, Omwene wa Muluku.—Wisupulula 14:1-3.
Omwene wa Muluku onrowa wiiriha elapo okhala eparayiisu. Ekhotto ekrime, osikhini ni etala khenrowa okhala-tho. Tthiri atthu otheene anrowa okhalaka ohakalala.—Esalimo 145:16.