WAAKHULIWA WA MAKOHO A MBIIBILIYANI
Ti pani anirowa wiirimu, ni nthowa xeeni?
Atthu anceene anniphavela orowa wiirimu. Masi, Yesu aahimyale wira awiixutti awe oororomeleya paahi ti yaarowa okhala wiirimu. Ohinatthi okhwa, Yesu aahaaleiherya wira aarowa olokiherya opuro aya wiirimu.—Mmusome Yohani 14:2.
Xeeni atthu a valaponi anirowa aya ohihimuxiwa wira arowe wiirimu? Anrowa ovaraka exeeni? Yesu aahaahimeerya arummwa awe wira yaarowa okhala mamwene. Awo anrowa olamulelaka elapo ya vathi.—Mmusome Luka 22:28-30; Wisupulula 5:10.
Niireke atthu otheene ooreera murima anirowa wiirimu?
Mwa ilapo sinceene, atthu vakhaani paahi tanilamulela. Okhala wira Yesu onnaahihimuxa atthu wira yakhaleke wiirimu wira yalamuleleke elapo ya vathi, nto eyo enitaphulela wira ale athanliwe orowa wiirimu ari vakhaani. (Luka 12:32) Biibiliya onnihimya nummuru na atthu anrowa olamulelaka ni Yesu.—Mmusome Wisupulula 14:1.
Ale anirowa wiirimu, khahiyo paahi tanrowa otthuveliwa. Arumeyi oororomeleya a Omwene wa Yesu, anrowa okhalana okumi woohimala, vaavo elapo ela enirowa aya okhala eparayiisu. (Yohani 3:16) Atthu akina anookela oParayiisu orweela mwa woopowa vaavo olumwenku ola wootakhala onirowa aya opwetexiwa. Masi akina anookela oParayiisu vaavo anirowa aya ohihimuxiwa.—Musome Esalimo 37:29; Yohani 5:28, 29.
Wira musuwele itthu sikina, nwehe muru 8 wa eliivuru ela, yoolaleiwa ni Anamoona a Yehova
Mubaxari va www.jw.org
[Elatarato epaaxina 16]
Yesu oolokiherya opuro wiirimu wira yakhaleke atthareli awe akina. Niireke munnisuwela ele enirowa aya opaka?