WAAKHULIWA WA MAKOHO A MBIIBILIYANI

Exeeni enrowa owiiraneela apinaatamu muhoolo?

Tthiri apinaatamu annirowa vahoolo mwa mpantta wa esiensia. Nto, niireke anoowerya okumiherya olumwenku wa atthu aniphentana veekeekhai? Nnaari. Olelo-va, olumwenku woosareya nrima. Masi Muluku ooleiherya etthu yooloka wa emusi ya apinaatamu.​—Mmusome 2 Pedru 3:13.

Nuulumo na Muluku ninnilavula sa okumi wa muhoolo yoowo atthu otheene anirowa aya ophentanaka veekeekhai. Atthu anirowa okhalaka moovareleleya, ni khaavo onrowa waaxankihaka.​—Mmusome Mikeya 4:3, 4.

Moota xeeni wiitthuna onrowa aya omala?

Okathi pinaatamu oopacerya aapattuxiwe awe ni Muluku, khaarina nrima. Masi, mwaha woothanla ohimwiiwelela Muluku, pinaatamu owo aahiyeleela okumi woomalela. Hiyo noorava ohiiwelela ni nrima. Nto Muluku onrowa omurumeela Yesu wira atthu atthikele-tho okhalana okumi woomalela.​—Mmusome aRoma 7:21, 24, 25.

Moovarihana ni yootthuna na Muluku, Yesu aahikhwa ntoko mukuttho ni oomaliha yookumiherya ya ohiiwelela wa Adamu. (aRoma 5:19) Veekeekhai Yesu ohiiriha oweryaneya ophwanya okumi wooloka muhoolo vaavo atthu ahinrowa aya okhalanaka nrima ni opaka itthu sootakhala.​—Musome Esalimo 37:9-11.

Wira musuwele soohimmwa sikina, muwehe muru 5 wa eliivuru ela, yoolaleiwa ni Anamoona a Yehova

Enniphwanyaneya-tho va www.jw.org/vmw