WAAKHULIWA WA MAKOHO A MBIIBILIYANI

Otakhala opacenrye sai?

Okhala wene, atthu aniphavela okhala a murettele, oororomeleya, ni ooreera murima. Nto xeeni okhanle aya ohaaxana, ohixariya, ni otakhala? Hiyo nimmakela wiiwa ihapari sooriipiha murima. Niireke ookhala oniwiiriha atthu opaka itthu sootakhala?​—Mmusome 1 Yohani 5:19.

Niireke okathi Muluku aapattunxe awe atthu yaari ootakhala? Nnaari. Yehova Muluku ompattuxale mutthu ailikanyihaka mmansawe, ni yoophavela ya otakiha ophenta wa Muluku. (Maphattuwelo 1:27; Yobi 34:10) Masi Muluku ohaavaha apinaatamu yoophavela ya othanla mootaphuwa. Vaavo anamuyari ahu oopacerya yaathanlale aya omukhootta Muluku yaahiphwanya ohimalela. Awo aaniraviha yoophavela ya opaka itampi.​—Musome Otumererya 32:4, 5.

Niireke otakhala onoovikanihaka mahiku otheene?

Muluku oniphavela wira nikhootteke soophavela sahu sootakhala. (Miruku 27:11) Nto owo onniniixuttiha moota nikhanle ahu oosyaka opaka itthu soohiloka ni ophwanya ohakalala wekeekhai. Masi olelo-va, hiyo khaninwerya otakiha moomalela ophenta wa Muluku.​—Musome Esalimo 32:8.

Nnaamwi otakhala wuulanne ene olelo-va, Muluku onneemererya mwa okathi vakhaani wira atthu otheene yoone sookhumelela saya sooriipiha murima. (2 Pedru 3:7-9) Masi, voohipisa elapo enrowa osareiwa ni atthu oohakalala ni animwiiwelela Muluku.​—Musome Esalimo 37:9-11.

Wira musuwele soohimmwa sikina, muwehe muru 3 wa eliivuru ela, yoolaleiwa ni Anamoona a Yehova

Enniphwanyaneya-tho va www.jw.org/vmw