WAAKHULIWA WA MAKOHO A MBIIBILIYANI
Niireke vanniweryaneya omusuwela Muluku eekeekhai?
Muluku onnilavula ni apinaatamu. Owo aahirumeela munepa wootteela aahiiso ikuru sawe, wira aakhaliherye ale yaamulepa Biibiliya. (2 Pedru 1:20, 21) Nnoowerya wiixutta ekeekhai voohimya sa Muluku orweela wa omusoma Biibiliya.—Mmusome Yohani 17:17; 2 Timótheyo 3:16.
MBiibiliyani, Muluku ohooniherya itthu sinceene voohimya sa yena. Owo onnihimya nthowa naya aapattunxe awe apinaatamu, ele enrowa awe opaka muhoolo mmureerelo aya, ni moota sintthuna awe wira nikhaleke. (Miteko 17:24-27) Yehova Muluku oniphavela wira nisuwele ekeekhai voohimya sa yena.—Mmusome 1 Timótheyo 2:3, 4.
Muluku oniwoonela sai ale aniphenta ekeekhai?
Yehova ti Muluku eekeekhai, ni aahimuruma mwanawe, Yesu, wira owiixuttihe apinaatamu ekeekhai awe. Nto alipa ookokhorela eekeekhai, anneettela sowiixuttiha sa Yesu. (Yohani 18:37) Muluku onnaaphavela atthu siiso wira ekhale arumeyi awe.—Mmusome Yohani 4:23, 24.
Satana Diabo onniwoototha atthu anceene ni waakumiha ephiro ya Muluku orumeelaka sowiixuttiha sa ethiru voohimya sa Muluku. (2 aKorinto 4:3, 4) Atthu ahimphavela ekeekhai anisiveliwa ni sowiixuttiha soowoka. (aRoma 1:25) Hata vari siiso, imilyau sinceene sa atthu ooreera murima anniphwanya ekeekhai voohimya sa Muluku vaavo animusoma aya Biibiliya.—Musome Miteko 17:11.
Wira musuwele soohimmwa sikina, muwehe muru 1 wa eliivuru ela, yoolaleiwa ni Anamoona a Yehova
Enniphwanyaneya-tho va www.jw.org/vmw