Nihimyeke Exeeni Naakawaka Irevista

Sentinela 1 ya Outubro

“Atthu anceene anuupuwela wira Muluku khonithokorerya-tho soothananiha ni itthu sinnixankiha. Tuuvi ori muupuwelo anyu? [Nwehereryeke waakhuliwa. Nto, musome Esalimo 34:18.] Mwaha onipacerya epaaxina 19, onnooniherya moota Muluku onnikhaliherya awe oxintta muupuwelo woohiloka ntoko ola: wiixoona ohikhala etthu, oriipiwa murima vanceene, ni wiivaha nthowa mootepana”.

Despertai! a Outubro

“Atthu akina anuupuwela wira Muluku khokhanle. Akina anuupuwela wira Muluku ookhala tthiri. Tuuvi ori muupuwelo anyu? [Nwehereryeke waakhuliwa.] Nwehe masu ala: [Mmusome 1 Pedru 5:6, 7.] Mwaha onipacerya epaaxina 29, onnooniherya moota Biibiliya onaakhula awe nikoho nna: Niireke wira Muluku ookhala tthiri?”

Sentinela 1 ya Novembro

“Otheene ahu ninniphavela ohakalala. Nyuwo munoona wira musurukhu paahi tonikumiherya ohakalala? [Nwehereryeke waakhuliwa.] Namalepa mmosa a Biibiliya aahiixutta wira mutthu pooti ohakalala nnaamwi orina ene itthu vakhaani. [Mmusome aFilipi 4:11, 12.] Erevista ela ennihimya iponto 5 sinikhaliherya ophwanya ohakalala onikhuma mBiibiliyani”.

Despertai! a Novembro

“Atthu ahinikupali okhala wa Muluku aniromola itthu sootakhala sinipakiwa mwa nsina na Muluku okhala mathowa aniwiiriha ohimya wira fataari yahaakhanle etiini. Nyuwo munoonela sai? [Nwehereryeke waakhuliwa.] Nna nthowa nimosa nnooniherya moota itiini soowoka sikumihenrya aya maxakha. [Mmusome 2 Timótheyo 4:3, 4.] Erevista ela ennooniherya ohiloka waya muupuwelo wa atthu awo”.