Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Janero

“Atthu akina annikupali wira Biibiliya eliivuru ya iprofesia yoororomeleya. Akina anihimya wira iprofesia sa Biibiliya khahiyo sekeekhai, okhala wira pooti otthokiheriwa mmikhalelo soovirikana. Nyuwo munoonela sai?” [Nwehereryeke waakhuliwa.] Nto, munvahe mwaneene etthoko erevista A Sentinela 1 ya Janero; musome ni muthokorerye masu ari vathi va muru mwaamukhaani woopacerya epaaxina 16 ni musome yoolepa eromoliwe vaavo. Munvahe irevista iyo, nave mumpake palano wira mwaakhule nikoho ninttharelana.

Sentinela 1 ya Janero

“Hiyo nnoowerya wiixutta itthu sinceene orweela mwa alopwana ni athiyana oottittimiheya a okathi wa khalai. Nyuwo munnikupali? [Nwehereryeke waakhuliwa.] Eversiikulu ela, ennimulavula mulopwana mmosa oottittimiheya yoowo paahi oniihaniwa mBiibiliyani okhala mpatthani a Muluku. [Mmusome Yakobo 2:23.] Erevista ela, ennihimya nthowa naya Muluku aapanke awe ompatthani ni Abrahamu. Nave-tho ennihimya etthu nniixutta ahu voohimya sa ntakiheryo na Abrahamu”.

Despertai! a Janero

“Mahiku ala, Makhwankwa wala ovaha ikuunya, ni mukhalelo mukina woohiroromeleya onnoonihereya okathi anipakiwa aya anakoso mulaponi. Atthu akina anihimya wira wiiyerya, onnikumiherya mureerelo okathi mutthu onimpaka awe nakoso. Nto nyuwo munoonela sai? [Nwehereryeke waakhuliwa.] Nkahaya moone masu ari eversiikulu ela. [Musome Miruku 20:17.] Mutthu oniwiiyerya akina pooti wiikumiherya maxakha. Nto erevista ela, ennitthokiherya nthowa naya varyaaya vooloka ororomeleya.”