Olaleerya Wookhweya

Wira Nipacerihe Soosoma sa Biibiliya eSaabadu Yoopacerya, Janero

“Olelo-va, atthu aakhalana moonelo woovirikana voohimya sa Muluku. Akina anuupuwela wira Muluku khonsuwanyeya. Masi, akina anuupuwela wira owo ori ntoko Tiithi oophenta. Ankhi nyuwo? Munuupuwela wira Muluku ta mukhalelo xeeni?” Nwehererye waakhuliwa. Mmooniherye epaaxina yookiserya ya Owehaweha 1 ya Janero, ni muthokorerye hoothe mwaha ori vathi va nikoho noopacerya ni muthanle yoolepa emosa wira musome. Munvahe irevista, ni mwiiwanane nihiku nootthikela wira mwaakhule nikoho ninttharelana.

OWEHAWEHA 1 ya Janero

“Nnaaxukurya atthu nilavulaka sa yoolipelela arina aya ale naaphenta ahu akhwiiye. Nyuwo khamunikupali wira okhweliwa mpatthani ahu wala mmusi ahu ti etthu yooxankiha? [Nwehererye waakhuliwa.] Eversu ela ya Biibiliya ennaakhaliherya anamunceene okathi onikhweliwa aya. [Mmusome Yesaya 25:8.] Erevista ela, ennilavula sa yooleiherya ya Biibiliya ya omalihiwa okhwa, ni ohihimuxiwa wa ale akhwiiye”.

Despertai! a Janero

“Olelo, ehaavo yoolepa ya Biibiliya enisoma ahu muttetthe ola. [Musome Miruku 24:3.] Moovarihana ni yoolepa ela, okhalana ankhili ni miruku onnikhaliherya imusi olipiha itthoko saya. Nto ninrowa ophwanya woowi miruku iyo? [Nwehererye waakhuliwa.] Vano, nookhalana eWeb saiti ahu ya Internet enooniherya moota Biibiliya okhanle awe owookhaliheryani vamosa ni emusi anyu voohimya sa mixankiho sinikhumela molumwenkuni. Erevista ela ennitthokiherya itthu sikina sa esaiti eyo”.