Munoowerya Omulattula Ole Orina Okumi Wooxankiheya?

Miloko sinci sookhalana anna ahiniwerya olaleerya vanceene mwaha wookhalana oretta ohinivoniwa wala wuuluvala. (2 aKor. 4:16) Niireke munoowerya omulattula munna owo wira oohooleni yoosoma anyu ya Biibiliya? Akhala wira owo khoniwerya okhuma vate, nyuwo pooti wiiriha yoosoma anyu ya Biibiliya owannya awe. Niireke mookhala oomulattula namalaleerya oniwereyasiwa wira alaleerye ni nyuwo pooti okhala inupa vakhaani, wala erevisita emosa wala piili? Anamalaleerya owunnuwela aakhalana sowiiraneya sinci sa orummwa. Tivonto, wiimananiha wanyu, khahiyo onrowa waalipiha awo paahi, masi ni nyuwo-tho. (aRom. 1:12) Moohaaniherya, Yehova onirowa wooreelihani mwaha wa wiimananiha wanyu waaphenta akina.​—Mir. 19:17; 1 Yoh. 3:17, 18.