Makoho Oowaakhuliwa

◼ Okathi Xeeni Oryaaya Vootthuneya Ohiya Omusomiha Mutthu Biibiliya?

Vakhala wira ole onimusomiha anyu Biibiliya oopacerya ohivaha efaita ele yiixuntte awe, nyuwo pooti woona oreerela ohiya omusomiha mutthu owo mwa miruku. (Math. 10:11) Muthokorerye makoho ala: Kiireke nihiku onivarihana ahu osoma onniivaha okathi? Onnilokiherya vahinatthi yoosoma enirowa ahu othokorerya? Onnirowa owiriyana mithukumano sa mmulokoni? Kiireke Onnaaleela atthu akina ele eniixutta awe? Onnivarihela muteko wala opaka marukunuxo moovarihana ni sooruma sa Biibiliya? Masi, muthokorerye makoho ala muupuwelaka munnuwelo ni mikhalelo sawe, musuwelaka wira wunnuwa omunepani onnivirikana wa khula mutthu. Nto vakhala wira vannireerela ohimusomiha-tho mutthu owo, mmuleele wira muhoolo aphavela-tho otthikela osoma munoomweemererya.​—1 Tim. 2:4.