Erimu Esya ni Elapo Esya Sinookumiherya Ohakalala Wuulupale

Yooleiherya ya Muluku ya olokiherya elapo eri eliivuru ya Yesaya ekapitulu 65 enrowa waakhwanela tthiri, tivo Yehova onilavula awe ntoko etthu yiiraneyale.

Yehova onrowa opattuxa erimu ni elapo esya, yeeyo sihinrowa aya wuupuweliwaka itthu sa khalai

65:17

Exeeni ekhanle erimu esya?

• Enihimmwa eguvernu esya yeeyo enrowa oruuha makhalelo a exariya valaponi.

• Eguvernu eyo ekhumelenle mwaakha wa 1914 vaavo Kristu aakhalihiwe awe Mwene a Omwene wa Muluku.

Exeeni ekhanle elapo esya?

• Anihimmwa atthu a maloko, malavulelo ni a mahimo otheene yaawo aneemererya vootthuna vaya olamuleliwa ni eguvernu ya wiirimu.

Moota xeeni itthu sa khalai sihinrowa aya wuupuweliwaka?

• Itthu soowereya saari mmuupuweloni mwa mutthu ntoko iretta murutthuni, mmuupuweloni khasinrowa okhala-tho.

• Apinaatamu oororomeleya anrowa opuhaka ekumi moomalela, nto anrowa ohelaka mmuruni itthu sooreerela wuupuwelela khula nihiku ninvira.