Ekampaanya ya Vameekhaaya Ninrowa Ahu Olaleya Omwene wa Muluku Mweeri wa Novembro

Yesu aahilaleya “ehapari yorera” ya Omwene wa Muluku. (Luk 4:43) Nave owo aahiwiixuttiha atthu ovekela wira Omwene owo orwe. (Mat 6:9, 10) Mweeri wa Novembro, nnimwiimananiha wira nilaleye Omwene wa Muluku. (Mat 24:14) Mulokiherye makhalelo anyu wira nwerye wiirela mpantta ekampaanya eyo. Otheene ale anrowa wiivahererya okhala pioneero ookhaliherya mweeri wa Novembro, anookhalana eparakha yoovaha iwoora 30 wala 50.

Okathi munlaleerya anyu muttetthe anyu, mwiimananiheke wira mwaalaleeryeke atthu anceene a muttetthe anyu, murumeelaka yoolepa emosa enilavula voohimya sa Omwene wa Muluku. Okathi munithanla anyu yoolepa emosa, muupuweleleke sookupali sa mutthu owo. Akhala wira ohooniherya osiveliwa munvahe erevista oWehaweha N.° 2 2020. Nuumala-vo, mmuxukurye moowakuveya mutthu owo, ni mmananihe opacerya yoosoma ya Biibiliya murumeelaka eliivuru wala ebroxura ninrumeela ahu wira Niixuttihe. Ohanle okathi vakhaani, wira Omwene wa Muluku opwetexe iguvernu sotheene sa apinaatamu simurukunuwenle Muluku. (Dan 2:44; 1 aKor 15:24, 25) Muttottele mureerelo eparakha eyo ya vameekhaaya wira mooniherye ororomeleya wanyu wa Yehova ni Omwene awe!