Ekampaanya ya Olaleya Omwene wa Muluku Mweeri wa Setembro

Mweeri wa Setembro, nnimwiimananiha wiira nilaleye Omwene wa Muluku yoowo onrowa omaliha mixankiho sootheene sa apinaatamu. (Mit. 24:14) Munrowa owerya sai wiirela mpantta ekampaanya eyo? Munoowerya wiirela mpantta akhala wiira munimwiimananiha waalaleerya atthu anceene mweeri wa Setembro, murumeelaka soolepa sinilavula sa Omwene wa Muluku. Nto akhala wiira mutthu onimooniherya osiveliwa munvahe Owehaweha N.° 2 2020. Nuumala-vo mutthikele omuxukurya mutthu owo moowaakuveya wiira mpacerihe yoosoma ya Biibiliya murumeelaka ebroxura Okumi Woohimala! Nto ale anrowa orumeelaka ntoko mapioneero ookhaliherya mweeri wa Setembro pooti othanla ovaha iwoora 15 aahiiso 30.

Moohipisa Omwene wa Muluku onoopwetexa iguvernu sootheene sa apinaatamu sihinimwiiwelela Muluku. (Dan. 2:44; 1 aKor. 15:24, 25) Nto mwiimananihe wiira muttottele mureerelo eparakha eyo ya vameekhaaya wiira mooniherye ororomeleya wanyu wa Yehova ni Omwene awe!