Moonelo Woohiloka

Soowiiraneya sa mbiibiliyani sa efaita yinceene:

• Map 37:18, 19, 23, 24, 31-35 — Axinnawe Yosefe yaahimutuphela ni yaahimutumiha khukhala epottha, nuumala-vo yaahinwoka paapa aya aihaniwa Yakobe amuleelaka wiira mwanawe amphentexa awe aahiiviwa.

• Map 49:5-7 — Simeyoni ni Levi yaahiphukeliwa mwaha woowi yaaheemererya onanariwa owiirihaka opaka itthu sootakhala.

• 1 Sa 20:30-34 — Mwaha wa onanariwa mwene Sawuli aahinveeha mwanawe aihaniwa Yonathani ni aaphavela omwiiva.

• 1 Sa 25:14-17 — Nabali aahaaveeha anakhotto a Davidi, nto eyo yaahimwiiriha Davidi ophavela owiiva alopwana ootheene a etthoko ya Nabali.

Soowiiraneya sa mbiibiliyani sa efaita yinceene:

• Map 42:21-24 — Axinnawe Yosefe yaahithanana okathi yuupuwela aya enamuna yoohiloka ni yootakhala yaamuthokorerya aya muhima aya.

• Mar 3:1-6 — Yesu aahiriipiwa murima vanceene mwaha wa otakhala murima wa afarisi.

Soowiiraneya sa mbiibiliyani sa efaita yinceene:

• 2 Sa 15:1-6 — Absalomi aahipaka itthu sooloka ophavelaka ohimmwa ni owiiriha atthu omuroromela yena ohiya omuroromela mwene Davidi.

• Dan 4:29-32 — Mwene Nabukodonosori aari mutthu oowiixinnuwiha, nto aahittaruxiwa ni Yehova.

Soowiiraneya sa mbiibiliyani sa efaita yinceene:

• Map 26:12-15 — Okathi Yehova aareelinhe awe wiimananiha ni muteko wa Isakhi, afilisti yaahipacerya omukhalela nrima.

• 1 Ma 21:1-19 — Mwene ootakhala Akhabi aaphavela ematta ya evinyeto ya Nabothi, nto mwaha woomukhalela nrima, Akhabi aahimootherya Nabothi ni aahimwiiva nihikhanle nthowa.

Soowiiraneya sa mbiibiliyani sa efaita yinceene:

• Moot 13:25-33 — Anamahottela 10 a wIsarayeli yaahixinttiwa ni woova, nto yaahiwiiriha atthu a nloko nle nootheene woova.

• Mat 26:69-75 — Mwaha wa owoova atthu, murummwa Pedru aahimukhootta Yesu ikwaha 3.

Soowiiraneya sa mbiibiliyani sa efaita yinceene:

• Yoob 31:24-28 — Hata aari thaaciri, Yoobi khaamorenle muraakho wa ophenta mihakhu ni mireerelo.

• Mar 10:17-27 — Mmiravo mmosa thaaciri aaniphenta vanceene mireerelo sawe, nto khaawenrye ohiya wiira omutthareke Yesu.

Yoowiiraneya ya mbiibiliyani ya efaita yinceene:

• Ob 10-14 — Muluku aahaahukhumu atthu a wEdomi mwaha woowaapweherya mathowa vamurimani axinnaya, aisarayeli.

Soowiiraneya sa mbiibiliyani sa efaita yinceene:

• Map 13:5-9 — Okathi amakampusi a Abrahamu ni amakampusi a Lothi yaapacenrye aya onyakulihana, Abrahamu aahimananiha okhaliha murettele.

• Mak 8:1-3 — Alopwana a Efrayimi yaahipacerya onyakulihana ni mukhulupale Gideyoni, masi wiiyeviha wa Gideyoni waahaamaaliha alopwana a nloko na Efrayimi.

Soowiiraneya sa mbiibiliyani sa efaita yinceene:

• Mat 12:1-7 — Yesu aahaapwapwela afarisi mwaha woowi yaanitepa wiihimya okhala anaxariya.

• Luk 18:9-14 — Yesu aahipaka nlikanyiho ophavelaka wooniherya wiira atthu ale aniihimya okhala anaxariya khaneemereriwa ni Muluku.

Soowiiraneya sa mbiibiliyani sa efaita yinceene:

• 2 Wa 36:11-17 — Sedekiya aari mwene ootakhala murima ni oothipelela, nto eyo yaahiwiiriha atthu ale ohukhummwa ni Muluku.

• Mit 19:8, 9 — Murummwa Paulo aahihiya waalaleerya atthu oothipelela, yaawo yaakhootta okupali ni weemererya muhupi wa Omwene.

Soowiiraneya sa mbiibiliyani sa efaita yinceene:

• 1 Sa 8:10-20 — Profeta Samuweli aahaaleela aisarayeli itthu soohiloka saarowa waakhumeelela mwaha wa onvekela okhalana mwene pinaatamu. Hata vaari siiso, etthu aisarayeli yaapanke aya yaahooniherya wiira khiyaarina moonelo wooloka.

• 1 Sa 25:2-13, 34 — Nabali aahikhootta waareerela murima atthu yanvekenle nikhaliheryo, nto mwaha woopaka eyo aahala vakhaani okumiherya ehasara etthoko awe.

Yoowiiraneya ya mbiibiliyani ya efaita yinceene:

• 1 Sa 18:6-9; 20:30-34 — Mwene Sawuli aanaanyiherya ororomeleya wa Davidi ni aaheererya omwiiriha Yonathani ohimphavela Davidi.