SHaahuwaa 12
Deꞌuwau Kaaletuwaa Demmiyo Xoossaa Aadhida Eratettaa
Daro baggaa Solomoni xaafido Leemiso maxaafan, galla galla deꞌuwau kaaletuwaa demmiyo, ayyaanay denttettin xaafettida zoree deꞌees
YIHOOWAY aadhida erancha Kawoo? Ha oyshaa zaaranau maaddiya issi ogee, i immiyo zoriyaa qoppiyoogaa. He zoree goꞌꞌiyaabee? Hegaa oosuwan peeshshiyoogee deꞌuwaa kaseegaappe giiganne ufayssiyaagaa oottii? Erancha Kawuwaa Solomoni xeetan qoodettiya leemisota xaafiis. He leemisoti deꞌo macaraa xeelliyaagan oyqqennabi guutta. Ane issi issi leemisota beꞌoos.
Xoossan ammanettiyoogaa. Yihoowaara loꞌꞌo dabbotaa medhanau ammanettiyoogee keehi koshshiyaaba. Solomoni: “Ne polo wozanan GODAA ammanetta; ne akeekan zemppoppa. Neeni oottiyo ooso ubban a sinttaya; i nena likke ogiyaa kaalettana” yaagidi xaafiis. (Leemiso 3:5, 6) A kaaletuwaa koyiyoogaaninne au azazettiyoogan Xoossan ammanettiyoogee, deꞌoy keehippe ufayssiyaagaa gidanaadan oottees. Hegaadan oottiyoogee, issi asi Xoossaa wozanaa ufayssanaadan ootteesinne A morkkee Seexaanay denttido oyshau Yihooway zaaruwaa immanaadan oottees.—Leemiso 27:11.
Haratuura deꞌiya gaytotettan aadhida erancha gidiyoogaa. Azinatussi, machotussinne naatussi Xoossay immiyo zoree awudeegaappenne aaruwan ha wodiyan koshshiyaaba. Xoossay, “yelagatettan neeni ekkido ne maccaaseera ufaitta” yaagidi azinaa zorees; hegee azinay ba macheessi ammanettidi deꞌana koshshees giyoogaa. (Leemiso 5:18-20) I azinaynne i naati nashshiyo wozannaama maccaaseebaa yootiya ufayssiya qonccissuwaa, azinaa gelida maccaasati Leemiso maxaafan demmoosona. (Leemiso, shemppo 31) Naati qassi banttana yelidaageetussi azazettanaadan kaaletuwaa demmoosona. (Leemiso 6:20) SHaahettiyoogee ba xallaa siiqanaadan oottiyo gishshau, laggetettay keehi koshshiyoogaakka ha maxaafay qonccissees. (Leemiso 18:1) Laggeti nuna iitabau woykko loꞌꞌobau denttettana danddayiyo gishshau, eta aadhida eratettan doorana koshshees.—Leemiso 13:20; 17:17.
Ba huuphessi aadhida erancha gididi deꞌiyoogaa. Leemiso maxaafay, cammiya ushshaa aliyaappe aattidi uyiyoogaappe haakkiyoogaa, nu payyatettau goꞌꞌiya eeshshata dichidi, qohiyaageeta aggiyoogaanne mino oosancha gidiyoogaa xeelliyaagan keehippe maaddiya zoriyaa oyqqiis. (Leemiso 6:6; 14:30; 20:1) Xoossaa zoriyaappe dummatiya asa qofan ammanettiyoogee bashshaa kaalettiyoogaa he maxaafay yootees. (Leemiso 14:12) He maxaafay, “de7oi [wozanaappe]” pulttiyoogaa hassayissidi, mooriyaabaappe nu garssa asatettaa woykko wozanaa naaganaadan zorees.—Leemiso 4:23.
Alame yuushuwan deꞌiya miilooniyan qoodettiya asay ha zoriyaa oosuwan peeshshiyoogee deꞌuwaa loyttiyoogaa akeekiis. Hegaappe denddidaagan, eti Yihoowa banttana Haariyaagaa oottiyo daro gaasoy deꞌees.
—Leemiso maxaafan baasettidaagaa.
◼ Leemiso maxaafaa xannaꞌiyoogan ay tamaarana danddayiyoo?
◼ Xoossan ammanettiyoogaa, haratuyyoonne nu huuphiyau qoppiyoogaa xeelliyaagan Leemiso maxaafay ay kaaleto oyqqidee?
[Sinttaa 15n deꞌiya saaxiniyaa]
Eranchchaa
Deꞌuwan ufayssaanne woppaa awuppe demmana danddayettii? Ha oyshau zaaruwaa demmanau danddayissiya injje hanotay Solomonassi deꞌees. I duretettan, aadhida eratettaaninne maatan naanido gishshau, ha yohoti tumu ufayssaa ehaana danddayiya danddayennaakko pilggi beꞌanau danddayiis. I ufayssaa demmanau daro aquwaa shiishshiis; loꞌꞌiya daro maccaasaa ekkiis; qassi wodiyaa aattiyooban ubbaappe aadhiyaaban ufayttiis. I darobaa keexxiis; qassi eranchatu xuufiyaa xannaꞌiis. Wurssettan ay demmidee? “Ubbabaikka hada.” Gidoppe attin, i issi gitabaa akeekidi, hagaadan giis: “Hekko ubbabai odettiis; hegaa gishshau, ubbabau kuushshai hagaa: Xoossaassi yayya; a azazuwaa naaga. Aissi giikko, hegee asassi waanna ooso.”—Eranchchaa 12:8, 13.
[Sinttaa 15n deꞌiya misiliyaa]
Doomettaabaa
Kessaabaa
Wogaabaa
Qoodaabaa
Zaarettido Wogaa
Yaasa
Daannatu
Uruto
1 Sameela
2 Sameela
1 Kawotu
2 Kawotu
1 Hanidabaa Odiya
2 Hanidabaa Odiya
Izira
Nahimiyaa
Asttiro
Iyyooba
Mazamure
Leemiso ●
Eranchchaa ●
Siiquwaa Sabaa
Isiyaasa
Ermmaasa
Ermmaasa Zilaassaa
Hizqqeela
Daaneela
Hoose7a
Yuu7eela
Amoxa
Abddiyyu
Yoonaasa
Mikiyaasa
Naahooma
Imbbaaqooma
Sofonaasa
Hagga
Zakkaariyaasa
Milkkiyaasa
Maatiyoosa
Marqqoosa