Asay Siyanawu Koyiyobaa Yootiyogaa

Yesuusi Oottidobaa

BIIDUWA: Yesuusanne Haattaa Ollaa Matan I Haasayissido Maccaasiyo

1. BIIDUWA beꞌa, woy Yohaannisa 4:6-9 nabbaba. Yaatada, kaallidi deꞌiya oyshata akeeka:

1. Yesuusi haasayissiyogaa doommanaappe kase he maccaaseebaa akeekidobay aybee?

2. Yesuusi, “Tana haattaa ushsharkkii!” yaagiis. Hegee haasayissiyogaa doommanawu loꞌꞌo oge gidiyoy aybissee?

Yesuusappe Ay Tamaariyoo?

2. Nuuni harati siyanawu koyiyobaa yootiyogan haasayissiyogaa doommiyaba gidikko, eti nu yootiyobaa siyana danddayoosona.

Yesuusa Milata

3. Haasayissiyo qofaa hanotaadan laamma. Neeni haasayissanawu giigettido qofa xallaa yootana bessiyabadan qoppoppa. Ha wodiyan asaa qofissiyabaa yootiyogan haasayissiyogaa doomma. Nena hagaadan oychcha:

1. ‘Oduwan kiyidabay aybee?’

2. ‘Ta shooroti, tanaara oottiyageeti, woy tanaara tamaariyageeti haasayiyobay aybee?’

4. Heeran deꞌiyabaa akeeka. Nena hagaadan oychcha:

1. ‘He izaawu ay oottiiddi deꞌii? I qoppiiddi deꞌiyobay aybee?’

2. ‘He izaawu maayidobay, A bollan beettiyabay woy A son deꞌiyabay A ammanuwabaa woy A wogaabaa ay qonccissii?’

3. ‘He izaawa haasayissanawu hagee injjetiya wodee?’

5. Ezgga.

1. Darobaa haasayoppa.

2. Ne haasayissiyo uri ba qofaa yootanaadan minttetta. Koshshiyo wode oyshaa oychcha.