Haggaazuwan Kaseegaappe Qara Gidiyoogaa—Tamaareti Loytti Xannaꞌiyoogaa Meezetanaadan Maaddiyoogaa
Hegee Keehi Koshshiyoy Aybissee? Geeshsha Maxaafaa tamaareti ayyaanaaban kaymida asa gidanawu, baaso timirtte xallaa gidennan hegaappe harabaakka loytti tamaarana bessees. (Ibr. 5:12–6:1) Xannaꞌanawu baaxetana koshshees. Xannaꞌiyo wode, ooratti eridobaa kase eriyoobaara geeddarssananne hegaa waatidi oosuwan peeshshanaakko akeekana koshshees. (Lee. 2:1-6) Buzo xannaꞌiiddi issibaa pilggiyoogaa meezetiyoogee, tamaareti asay oychiyo oyshawu nu xuufetuppe Geeshsha Maxaafaa zaaruwaa demmanaadan maaddees. Tamaareti eridobaa oosuwan peeshshanawu baaxetiyoogee ammanuwaara gayttidaagan banttana gakkiya paaciyaa eqettanaadan maaddees.—Luq. 6:47, 48.
Ha Aginan Hagaa Oottanawu Mala:
Issi shemppuwaa woy sima huuphe yohuwaa xannaꞌidi kuuyiyo wode, xannaꞌidobaa qanttan zaaretti odanaadan tamaariyaa oycha. Neeyyo Geeshsha Maxaafaa xannaꞌissiyo uri deꞌennaba gidikko, nabbabidobaa kaseegaappe aaruwan akeekanawu, Geeshsha Maxaafaappe nabbabido amaridabaa woy Wochiyo Keelaappe nabbabido issi menttuwaa qanttan zaarettiyoogaa meezeta.