Maadoy Koshshiyoogeeta Maaddiyaageeti Demmiyo Anjjuwaa

Kumetta alamiyan deꞌiya daro asay miyoobaanne keettaa demmanawu metootees. Issotu issotussi sinttanaa hidootay koshshees. Nuuni hegaa mala asata maaddanawu baaxetiyoogee Xoossay nuna nashshanaadaaninne anjjanaadan waati oottana danddayii?

XOOSSAA QAALAY YOOTIYOOBAA

“Hiyyeesaassi kehiya asi GODAASSI tal77ees; GODAI he lo77o oosuwaa acuwaa qanxxees.”—LEEMISO 19:17.

MAADOY KOSHSHIYOOGEETA MAADDIYOOGAA GIYOOGEE WOYGIYOOGEE?

Yesuusi panggati shocidi hayquwaappenne paxaappe gidduwan yeggidi biido issi bitaniyaabaa yootiis. (Luqaasa 10:29-37) Issi erenna bitanee gakkidi keehi qohettida he bitaniyaa koshshiyaaban maaddiis. I he bitaniyaa zare gidana xayikkonne A maaddiis.

He keha bitanee sohuwaara A akkamiyoogaanne miishshan maaddiyoogaa xalla gidennan, A minttettiisinne I unꞌꞌuwaappe woppu gaanaadan oottiis.

Nuuni ha leemisuwaappe tamaariyoobay aybee? Nuussi danddayettiya ay ogiyankka maadoy koshshiyoogeeta maaddana bessiyoogaa Yesuusi qonccissiis. (Leemiso 14:31) Xoossay mata wode hiyyeesatettaanne tuggaa xayssanaagaa A Qaalay tamaarissees. SHin nuuni Xoossay hegaa waatidi, qassi awude oottanee giidi oychchana danddayoos. Kaalliya huuphe yohoy nena siiqiya Medhdhidaagee neessi halchchido anjjuwaa qonccissees.