Xannaꞌiyo Wode Maaddiyaabaa
Yihoowa Markkati Geeshsha Maxaafaa Xannaꞌanau Maaddiya Xuufiyan deꞌiya xiqisetu qonccissota goꞌettaydda deꞌay?
Hegeeti neeni Xoossaa Qaalaa loytta pilgganaadan maaddoosona. Ha qonccissoti issi xiqisiyaa qofay polettiyo wode hanidabay aybakko, hegee aybissi xaafettidaakko, oossi haniyaakko, woy qaalatu woykko qofatu birshshettay aybakko yootoosona.
Issi xiqisiyawu imettida qonccissuwaa Xannaꞌanau Maaddiya Xuufiyaappe neeni demmanaadan Wachtawur ONLAYN LAYBREEREENNE JW Laybreeree maaddees. Yan deꞌiya ubba Geeshsha Maxaafaa birshshettatussi xannaꞌanawu imettida xuufeta demmana danddayaasa.
Xannaꞌanawu imettida xuufeta goꞌettiyo wode gallassaa loytta xeella. Ooratta huuphe yohoti qommoora uttoosona. Garssaara odettidabata gujjada beꞌiyo wode, beni kiyida huuphe yohotun laamettida qonccissoy deꞌana danddayees.
Xannaꞌanau Maaddiya Xuufiyan deꞌiya xiqisetussi imettida xuufeta Wachtawur ONLAYN LAYBREERIYAN sohuwaara demmana danddayaasa.
Xiqisetussi imettida xuufeta JW Laybreeriyan demmanawu, Xannaꞌanau Maaddiya Xuufiyaa wotta, qassi oorattabay kiyiyo wode dawunlode ootta. Geeshsha Maxaafan deꞌiya shemppotu ubbawu imettida xuufetuppe qommoora deꞌiya malaataa bochchada yaatana danddayaasa.