TAARIKIYAA 32

Tammu Boshata

HA MISILETA ane xeella. Huuphphen huuphphen eti ubbay Yihooway Gibxxe biittan yeddido boshaa bessoosona. Koyro misiliyan, Aarooni ba gatiman Nayle SHaafaa shociyaagaa beꞌana danddayaasa. I shocin, shaafaa haattay suuttau laamettiis. Moleti hayqqin, shaafay xinqqiyoogaa doommiis.

Pharaoh waves his hands to get the frogs off his bed during the second plague

Kaallidi, Yihooway Nayle SHaafaappe shodhdheti kiyanaadan oottiis. SHodhdheti ubbasaa, giishin coociyaa, bashiyaa, hiixaanne mulesaa kumidosona. Shodhdheti hayqqin Gibxxe asay shiishshidi eta doorin, biitta ubbay xinqqiis.

Hegaappe Aarooni biittaa ba gatiman shocin, buhe ubbay biinne kiyiis. Hegeeti dukkiya uuꞌeta. Biinnee Gibxxe biittan gakkida heezzantto bosha.

A woman is bitten by gnats during the third plague

Hara boshati Israaꞌeeleta bochchennan, Gibxxe asatu xallaa qohidosona. Oyddantto boshay Gibxxetu ubbaa keettaa kummida wogga uddunxxiyaa. Ichchashantto boshay qassi mehiyaa bolli wodhdhiis. Gibxxetu mehetuppe, dorssatuppenne deeshshatuppe daroti hayqqidosona.

Kaallidi, Muuseenne Aarooni amarida bidinttaa ekkidi carkkuwau laalidosona. Hegee asaaninne mehiyan iita merkkoy wodhdhanaadn oottiis. Hegee usuppuntta boshaa.

Hegaappe guyyiyan, Muusee ba kushiyaa saluwaa denttin, Yihooway dadaanne shachchaa yeddiis. Hegee, Gibxxe biittan wodhdhida shachcha ubbaappe aadhdhiya iita shachcha.

Egyptians try to escape flies during the fourth plague

Animals of the Egyptians die during the fifth plague

Hosppuntta boshay biittaa ubbaa kammida booliyaa. Hegaappe kase gidin woy hegaappe haa simmin hegaa mala daro boolee deꞌibeenna. Eti shachchaappe attida ubbabaa miidosona.

Uddufuntta boshay xumaa. Heezzu gallassa kumettaa sakkana xumay biittaa gorddiis; shin Israaꞌeeleti deꞌiyoosan ubban etau pooꞌoy deꞌees.

Wurssettan, Xoossay ba asay bantta keettaa qosilettaanne qoriyaa deeshsha woy dorssa mara suuttaa tiyana mala yootiis. Hegaappe, Xoossaa kiitanchchay Gibxxe ubban kanttiis. Kiitanchchay suuttaa beꞌidi, he keettan deꞌiya oonanne woribeenna. SHin Xoossaa kiitanchchay qosilettaaninne qoriyan suutti baynna keetta ubban deꞌiya asaanne mehiyaa bayra ubbaa woriis. Hegee 10⁠ta boshaa.

Ha wurssetta boshaappe guyyiyan, Paarooni Israaꞌeeleti baanaadan yootiis. Xoossaa asay ubbay baanau giigi uttidosona; yaatiyo gishshau, he qammikka eti Gibxxeppe zatan biyoogaa doommidosona.

Kessaabaa shemppuwaa 7⁠ppe biidi 12 gakkanaashin.

Oyshata