Xoossay Neeyyo Deꞌana Danddayiya Dabbo Ubbaappe Aadhdhiya Dabbo

Xoossaa dabbo gidiyoogee, neeyyo deꞌana danddayiya ubbabaappe aadhdhiyaaba. Xoossay nena ufayssiya woppa deꞌuwaa waata demmana danddayiyaakko tamaarissana; i nena daro bala ammanotuppenne qohiya meezetuppe laꞌa kessana. I ne woosaa siyana. I nena ne garssa sarotettaaninne ammanettada deꞌiyoogan ufayttanaadan maaddana. (Mazamure 71:5; 73:28) Meto wodekka Xoossay nena maaddana. (Mazamure 18:18) Qassi merinaa deꞌuwaakka Xoossay neeyyo immana.—Roome 6:23.

Xoossaakko shiiqaydda biido keenan, a dabbotukkokka shiiqaasa. Etikka ne dabbo gidoosona. Ubba eti neessi ishanne miichcho mala gidana. Eti nena Xoossaabaa tamaarissanau, maaddanaunne minttettanau ufayttoosona.

Nuuni Xoossaara lagge gidokko. Neeni Xoossaa dabbo gidanau koyiyo wode, issi tumu yohuwaa akeekana koshshees. Xoossaara deꞌiya dabbotettay lagge gidida naaꞌꞌu asatu giddon deꞌiya dabbotaa mala gidenna. I nuuppe keehi daro wodiyaa deꞌida, aadhdhida eranchchanne daro wolqqaara deꞌiyaagaa. I nuna Haaranau maatay deꞌiyoogaa. Hegaa gishshau, nuuni a dabbo gidanau koyikko, a ezgganaunne i oottite giidobata oottanau koshshees. Hegaadan oottiyoogee ubbatoo nuna goꞌꞌiyaaba.—Isiyaasa 48:18.