SHaahuwaa 17
Yesuusi Xoossaa Kawotettaabaa Tamaarissiis
Yesuusi ba erissiyo ashkkarata darobaa tamaarissiis; shin i waannayidi tamaarissidoy Xoossaa Kawotettaabaa
YESUUSI saꞌaa kiitettidoy aybissee? I bari huuphe: “Taani . . . Xoossaa kawotettaa wonggeliyaa mishiraachchuwaa yootanau bessees. Aissi giikko, Xoossai tana kiittidoogee hegaassa” yaagiis. (Luqaasa 4:43) Yesuusi ba timirttiyau waanna huuphe yoho oottidi tamaarissido Xoossaa Kawotettaabaa, oyddubata ane beꞌoos.
1. Yesuusi Kawo Gididi Sunttettiis. Yaana geetettida Masee bana gidiyoogaa Yesuusi qoncciyan yootiis. (Yohaannisa 4:25, 26) Hananabaa yootiya Daaneeli ajjuutan beꞌido Kawoy bana gidiyoogaakka i qonccissiis. Yesuusi issi wode “kawotaa araatan” uttanaagaanne etikka araatan uttanaagaa ba kiittidoogeetuyyo yootiis. (Maatiyoosa 19:28) I he haariya citaa ‘amarida dorssa wode’ yaagidi qonccissiis; qassi i baayyo he citan baynna “hara dorssatikka” deꞌiyoogaa yootiis.—Luqaasa 12:32; Yohaannisa 10:16.
2. Xoossaa Kawotettay suure pirdday deꞌanaadan oottana. He Kawotettay, Seexaanay Edenen makkalaa denttoosappe doommidi Xoossaa Yihoowa sunttaa bolli kuurettida cashshay ubbay denddanaadan oottidi, a sunttay anjjettanaadan woykko bonchettanaadan oottiyoogan, pirddaa pacaa xayssanaagaa Yesuusi yootiis. (Maatiyoosa 6:9, 10) Yesuusi ubba galla, attuma asaanne macca asaa, duriyaanne hiyyeesaa shaakkennan tamaarissiyoogan, asaa lagennaagaa bessiis. I waannatidi kiitettidoy Israaꞌeele asaa tamaarissanaassa gidikkonne, Samaariyaa asaanne Ayhuda gidenna asaakka maaddiis. Haymaanootiyaa he wode kaalettiyaageetuppe dumma ogiyan, i asaa ixxennaagaa woykko karennaagaa bessiis.
3. Xoossaa Kawotettay ha alamiyaa bagga gidenna. Yesuusi deꞌidoy asay keehippe polotikan balbuqettiyo wode. I yelettido biittaa he wode allaga biittay haarees. Gidikkokka, he wode deꞌiya polotikaa allaalliyan i gelanaadan asay koyido wode, i baqatiis. (Yohaannisa 6:14, 15) I polotikaa asa gidida issi bitaniyau: “Ta kawotettai ha sa7aana gidenna” yaagidi yootiis. (Yohaannisa 18:36) I bana kaalliyaageetuyyo: “Intte sa7aabaa gidekketa” yaagiis. (Yohaannisa 15:19) Eti ola miishshaa, ubba a ashshanaukka gidin goꞌettennaadan yootiis.—Maatiyoosa 26:51, 52.
4. Kiristtoosa haaroy siiquwan baasettidaagaa gidana. Yesuusi asaa shemppissanaagaanne eta deexoy kawushsha gidanaadan oottanaagaa qaalaa geliis. (Maatiyoosa 11:28-30) I ba qaalaa poliis. Unꞌꞌuwaa xooni kiyanaadan, haratuura loꞌꞌo gaytotettaa medhanaadan, miishshaa siiquwaa xooni kiyanaadaaninne ufayssaa demmanaadan i siiquwan zoriyaa immiis. (Maatiyoosa, shemppo 5-7) I siiqiyaagaa gidiyo gishshau, ubba qommo asay akko shiiqanau yayyenna. Keehippe huqqunnettida ubbay i eta kehatettaaninne bonchuwan oyqqanaagaa ammanettidi akko yiidosona. Yesuusi maalaalissiya Kawo gidanaagee erettidaagaa!
Yesuusi Xoossaa Kawotettaabaa tamaarissido hara gita ogee deꞌees. I maalaalissiya darobaa oottiis. I hegaa oottidoy aybissee? Ane beꞌoos.
—Maatiyoosa, Marqqoosa, Luqaasanne Yohaannisa maxaafan baasettidaagaa.
◼ Bari huuphe Mase Kawo gidiyoogaa Yesuusi waati tamaarissidee?
◼ Yesuusi suure pirddan haaranaagaa bari huuphe waati bessidee?
◼ Yesuusi ba Kawotettay ha alamiyaa bagga gidennaagaa waati qoncciyan yootidee?
◼ Yesuusi ba haaroy siiquwan baasettidaagaa gidanaagaa waati bessidee?
[Sinttaa 20n deꞌiya misiliyaa]
“Yesuusi Xoossaa kawotettaa mishiraachchuwaa yootiiddi, dumma dumma . . . guutta katamaa bees.”—Luqaasa 8:1
[Sinttaa 20n deꞌiya misiliyaa]
Doomettaabaa
Kessaabaa
Wogaabaa
Qoodaabaa
Zaarettido Wogaa
Yaasa
Daannata
Uruto
1 Sameela
2 Sameela
1 Kawotu
2 Kawotu
1 Hanidabaa Odiya
2 Hanidabaa Odiya
Izira
Nahimiyaa
Asttiro
Iyyooba
Mazamure
Naahooma
Imbbaaqooma
Sofonaasa
Hagga
Zakkaariyaasa
Milkkiyaasa
● Maatiyoosa
● Marqqoosa
● Luqaasa
● Yohaannisa
Oosuwaa
Roome
1 Qoronttoosa
2 Qoronttoosa
Galaatiyaa
Efisoona
Piliphphisiyuusa
Qolasiyaasa
1 Tasalonqqe
2 Tasalonqqe
1 Ximootiyoosa
2 Ximootiyoosa
Tiitu
Pilimoona
Ibraawe
Yaaqooba
1 PHeexiroosa
2 PHeexiroosa
1 Yohaannisa
2 Yohaannisa
3 Yohaannisa
Yihudaa
Ajjuutaa