SHaahuwaa 25
Ammanuwaa, Eeshshaanne Siiquwaa Xeelliyaagan Imettida Zoriyaa
Yaaqoobi, PHeexiroosi, Yohaannisinne Yihuday bantta mala Kiristtaaneta minttettanau dabddaabbiyaa xaafidosona
YAAQOOBINNE Yihuday Yesuusa aayee naata. PHeexiroosinne Yohaannisi Yesuusi kiittido 12tu yame. Hageeti oydday Kiristtaane Giriike Geeshsha Maxaafaa xuufetun deꞌiya laappun dabddaabbeta xaafidosona. He dabddaabbeti xaafidaageetu sunttan xeegettoosona. He dabddaabbetun deꞌiya ayyaanay denttettin xaafettida zoree, Kiristtaaneti Yihoowayyo ammanettidi deꞌanaadaaninne Xoossaa Kawotettaa bantta xeelan wottanaadan maaddanau xaafettiis.
Kiristtaaneti ammanuwaa oosuwan bessana koshshees. Ammanays giyoogaa xallay gidenna. Tumu ammanoy oosuwau denttettees. Yaaqoobi, “Oosoi shaahettido ammanoi haiqqidaagaa” yaagidi xaafiis. (Yaaqooba 2:26) Paacee gakkiyo wode ammanuwaa oosuwan peeshshiyoogee genccanaadan oottees. Issi Kiristtaanee paaciyaa xoonanau, aadhida eratettaa immanaagaa ammanettidi Xoossaa oychana koshshees. Gencciyoogee Xoossan nashettanaadan oottees. (Yaaqooba 1:2-6, 12) Issi Kiristtaanee ammanidi ba suuretettaa naagidi deꞌikko, Xoossaa Yihooway a maaddana. Yaaqoobi, “Xoossaakko shiiqite; ikka inttekko shiiqana” yaagiis.—Yaaqooba 4:8.
Issi Kiristtaaniyaa ammanoy paaciyaanne kandduwaa mooriyaabaa xoonanaadan maaddiyaagaa keena mino gidana bessees. Kandduwaa mooriyaabay aakkidoogee, Yihuday ba mala Kiristtaaneti ‘ammanuwau baaxetana mala’ zoranaadan denttettiis.—Yihudaa 3.
Kiristtaaneti Xoossaa siraataa naagidi deꞌana koshshees. Yihooway baassi goynniyaageeti ubbaban geeshsha gidanaadan koyees. PHeexiroosi: “Intte ooso ubban geeshsha gidite. Xoossaa maxaafan, ‘Taani [GODAI] geeshsha gidiyo gishshau, inttekka geeshsha gidite’ geetettidi xaafettiis” yaagidi xaafiis. (1 PHeexiroosa 1:15, 16) Kiristtaaneti kaallana bessiya leemisoy deꞌees. PHeexiroosi, “Kiristtoosi intteyyo waayettiis; intte a kaallana mala, intteyyo leemiso gidiis” yaagiis. (1 PHeexiroosa 2:21) Kiristtaaneti Xoossaa maaraadan deꞌiyo gishshau metoy gakkiyaaba gidikkokka, eti geeshsha ‘zoriya wozanaa’ naagidi deꞌoosona. (1 PHeexiroosa 3:16, 17) Kiristtaaneti Xoossaa pirdda gallassaanne “xilloi de7anasaa,” qaalaa gelido ooratta alamiyaa naagiiddi, geeshsha kanddoynne Xoossaayyo aqidoogaa bessiya oosoy daridoogeeta gidana mala PHeexiroosi zoriis.—2 PHeexiroosa 3:11-13.
Siiquwaa bessana koshshees. Yohaannisi, “Xoossai siiqo” yaagidi xaafiis. “Nuuni nu nagaraappe maarotettaa” demmanaadan Yesuusi yarshsho gidanaadan Xoossay saꞌaa kiittiyoogan, ba gita siiquwaa bessidoogaa Yohaannisi yootiis. Kiristtaaneti hegau ayba zaaruwaa immana koshshii? Yohaannisi: “Ta siiqotoo, Xoossai nuna hagaadan siiqidabaa gidikko, nuunikka issoi issuwaara siiqettanau bessees” yaagidi qonccissiis. (1 Yohaannisa 4:8-11) Nu mala Kiristtaaneta imattatettan mokkiyoogee hegaa mala siiquwaa bessiyo issi oge.—3 Yohaannisa 5-8.
Gidoshin, Yihoowassi goynniyaageeti a siiqiyoogaa waatidi bessana danddayiyoonaa? Yohaannisi: “Nuuni Xoossaa siiqiyoogee a azazuwaa naagiyoogaa; a azazoikka deexo gidenna” yaagidi zaaruwaa immiis. (1 Yohaannisa 5:3; 2 Yohaannisa 6) Hegaadan Xoossau azazettiyaageeti, “merinaa de7uwaa naagiiddi” Xoossaa siiquwan deꞌanaagaa ammanettana bessees.—Yihudaa 21.
—Yaaqooban; 1 PHeexiroosan; 2 PHeexiroosan; 1 Yohaannisan; 2 Yohaannisan; 3 Yohaannisan; Yihudan baasettidaagaa.
◼ Issi Kiristtaanee ammanuwaa waatidi oosuwan bessana danddayii?
◼ Xoossay baassi goynniyaageeti ay mala kandduwaa bessanaadan koyii?
◼ Issi uri Xoossaa tumuppe siiqiyoogaa bessiyoy ayba ogiyaanee?
[Sinttaa 29n deꞌiya misiliyaa]
“Xoossaakko shiiqite; ikka inttekko shiiqana.”
[Sinttaa 29n deꞌiya misiliyaa]
Doomettaabaa
Kessaabaa
Wogaabaa
Qoodaabaa
Zaarettido Wogaa
Yaasa
Daannatu
Uruto
1 Sameela
2 Sameela
1 Kawotu
2 Kawotu
1 Hanidabaa Odiya
2 Hanidabaa Odiya
Izira
Nahimiyaa
Asttiro
Iyyooba
Mazamure
Leemiso
Eranchchaa
Siiquwaa Sabaa
Isiyaasa
Ermmaasa
Ermmaasa Zilaassaa
Hizqqeela
Daaneela
Zakkaariyaasa
Milkkiyaasa
Maatiyoosa
Marqqoosa
Luqaasa
Yohaannisa
Oosuwaa
Roome
1 Qoronttoosa
2 Qoronttoosa
Galaatiyaa
Efisoona
Piliphphisiyuusa
Qolasiyaasa
1 Tasalonqqe
2 Tasalonqqe
1 Ximootiyoosa
2 Ximootiyoosa
Tiitu
Pilimoona
Ibraawe
Yaaqooba ●
1 PHeexiroosa ●
2 PHeexiroosa ●
1 Yohaannisa ●
2 Yohaannisa ●
3 Yohaannisa ●
Yihudaa ●
Ajjuutaa