Eta Mokki Ekkite

1. Yihoowi ufayssan ubba’saa mokkees.

Shaakkennan qorennan I ubbawu qoppees.

Ba awaanne iraa

oonanne digenna;

Immiyo ubban nuna ufayssees.

Nuuni hiyyeesaassi kehiyode ubban,

Nu Aawaa milatoos; siiqiyo naatudan.

Uloppe kehidi

oottido loꞌꞌobawu,

Nu Aaway nuussi kushiya zaarees.

2. Metootidaageeta nu maaddiyo wode

Demmana loꞌꞌobaa aynne erokko.

Erana xayinkka,

eta mokki ekkoos,

Etawu koshshiyaban nuuni maaddoos.

Beni Lideegaadan, ‘Ta shoobbays’ yaagoos.

Nu soo yiyogee saruwanne woppaa immees.

Nu Aaway banadan

asawu kehiyageeta,

Ubbasan diyageeta akeekees.