Imattaa Mokkiyoogan “Lo77obaa” Haratuyyo SHaakkite (Maa. 12:35a)
Nuuni ubbay ‘imattaa mokkiyoogan’ nuuyyo deꞌiya “lo77obaa” haratuyyo shaakkanawu koyiyoogee erettidaagaa. (Roo. 12:13) Gubaaꞌe cimati gita shiiquwan haasayaa haasayida imatta ishati kessiyo miishshaa immiyoogaaninne eta shoobbiyoogan imatuwaa mokkoosona. Gidikkokka, nuuni hiyyeesa gidiyo gishshawu woy nu soo imattaa shoobbiyoogaa yayyiyo gishshawu, imatuwaa mokkanawu guyye gaana danddayoos. Yesuusi Marttissi giidobaa akeekiyoogee, nuuni hegaadan qoppiyoogaa agganawu maaddees. (Luq. 10:39-42) Imatuwaa mokkiyoogaara gayttida ‘loꞌꞌobay’ issippetettaanne issoy issuwaa minttettiyoogaappe attin, keehi daro qommo qumaa kattiyoogaa gidennaagaa i yootiis. Nuuni ubbay ha zoriyaa oosuwan peeshshiyoogan, Xoossaa Qaalay minttettiyoogaadan nu ishanttuura “lo77obaa” shaakkoos.—3 Yoh. 5-8.