“Genccite”

1. Yihoowi, Gita Goday

Ba geeshsha sunttawu mishettees.

Boriyappe I ba sunttaa,

Geeshshanaassi keehi koyees.

I keehi daro layttawu,

Wolqqaama genccaa gencciis;

Siiqiya, kehiya, danddayiya,

Salettenna Xoossaa.

Nu ʼaway keehi koyiyobay

Ubba’say attanaadaana.

Xoossay daro’diyawu, siiquwan

Genccoogee mela attenna.

2. Nu deꞌuwan Xoossaa ogiyan

Hemettiyode genccay maaddees.

Nu wozanaa woppissees,

Iita hanqquwappekka naagees.

Asan kehabaa koyees,

Ubbatoo loꞌꞌuwa naagees.

Unꞌꞌettiyo wode maaddees,

Yeeqennan daanaadan.

Hara eeshshata gujjin,

Ayyaanan nu ayfiyo genccay,

Nu siiqiyo Xoossaa Yihoowa,

Milatanawu keehi maaddees.