XINAATE 18

Gujji Eranaadan Maadda

1 Qoronttoosa 9:19-23

TAMAARANABAA: Ezggiyaageetu qofaa denttetta; qassi eti goꞌꞌiyaabaa tamaarida giidi qoppanaadan ootta.

Ezggiyaageeti eriyoobaa qoppa. Eti kase eriyoobaa coo zaarettada yootiyoogaappe eti he allaalliyaabaa ooratta ginan qoppanaadan maadda.

Ezggiyaageeti eriyo qofaa ellellada yoota; shin ooratta qofaa loddan qonccissa.
Pilgganne wotta denttada qoppa. Danddayettiyo wode, waannatiya qofaa qonccissanawu darin erettennabaa woy mati hanidabaa yoota. Ne haasayanaban deꞌiya qofaa loytta qoppa; qassi ne yootana harabay he allaalliyaara waani gayttiyaakko akeeka.

Haasayawu maaddiya xuufiyaa giigettiyo wode ‘ay, aybissi, awude, awan, ooni, qassi waanidi’ giyoogaaninne hegaa malabaa nena oychchiyoogan loytta qoppa. Ne haasayaa giddon ha oyshatuppe amaridaageeta oychchiyoogaaninne zaariyoogan loytta tamaarissa.
Ne yootiyoobay maaddiyoogaa bessa. Geeshsha Maxaafay yootiyoobay ezggiyaageeta galla galla waati maaddana danddayiyaakko qonccissa. Ezggiya asaara giigiya hanotaa, eti qoppananne oottana koshshiyaabaa yoota.