SHoobe Woraqatay Alame yuushuwan Gishettana!
1. Kiristtoosa hayquwaa hassayiyo baalaappe kase alame yuushuwan ayba dumma zamachay halchettidee?
1 “Hagan tana hassayite.” (Luq. 22:19) Yesuusi yootido ha azazuwaa azazettiyoogan Yihoowayyo goynniyaageeti koshshay deꞌiyo hara asatuura Yesuusa hayquwaa hassayiyo baalaa bonchanau Laappune 30, 2010n issippe shiiqoosona. Kiristtoosa hayquwaa hassayiyo baalau Laappune 13 – Laappune 30 gakkanau dumma shoobe woraqatay alame yuushuwan asau gishettees.
2. SHoobe woraqataa waati immana danddayiyoo?
2 SHoobe Woraqataa Asau Immiyo Ogiyaa: Bolla baggan deꞌiya misiliyaa beꞌanaadan shoobbiyo urau woraqataa immana danddayaasa; yaatada: “Yesuusa hayquwaa hassayiyo baalaa bonchanau alame yuushuwan miilooniyan qoodettiya asay Laappune 30n omarssi shiiqees. Inttenne intte soo asay he shiiquwan beettanaadan ha shoobe woraqataa immanau yaas. Intte laggetikka beettana danddayoosona. Hayyanintta ha baalaa bonchiyo saatiyaanne sohuwaa hassayite” yaaga. Hanotaadan, hegaa xeelliyaagan Geeshsha Maxaafaa azazuwaa, Luqaasa 22:19 nabbabana danddayaasa. SHin haggaazo moottaa wurssidi oottanau deꞌiya wodee guutta gidiyo gishshau, qantta qonccissuwaa goꞌettiyoogee loꞌꞌo.
3. Oona oona shoobbana danddayiyoo?
3 Intte gubaaꞌiyaa haggaazo moottay aaho gidikko, koyro gallassi asa demmibeenna keettan shoobe woraqataa intte wottidi kiyanaadan cimati yootana danddayoosona. Injjetikko, shoobe woraqataara maxeetetakka immite. Zaaretti oychiyoogeeta, xinaateta, issippe oottiyaageeta, issippe tamaariyaageeta, dabbota, shoorotanne eriyo hara asata shoobbiyoogaa dogoppite.
4. Wozuwaa giigissiyoogan Yihooway bessido siiquwaa akeekiyoogeenne nashshiyoogee ay oottanaadan nuna denttettii?
4 Kumetta Hanotan SHaahettanau Giigettite: Kiristtoosa hayquwaa hassayiyo baalaa bonchiyo wodee nu haggaazuwaa xoqqu oottanau injje wode. Kaafiya aqinye gidanau ne hanotaa giigissana danddayay? Ayyaanaaban loꞌꞌo dichaa bessiiddi deꞌiya xinaateti woykko naati neeyyo deꞌiyoonaa? Hegaadaana gidikko, eti ha dumma zamachan xammaqettennan aassiyaageeta gididi oottanau danddayanaakkonne beꞌanaadan cimatussi yoota. Wozuwaa giigissiyoogan Yihooway bessido siiquwaa akeekiyoogeenne nashshiyoogee, nuuni he baalan beettana xalla gidennan, nunaara hara asay beettana mala danddayettida keenan daro asaa shoobbanaadan denttettees.—Yohaannisa 3:16.