Maxeeteta Asau Immanau Woygana Danddayettii?

Wochiyo Keelaa Xiqimita 1

“Daroti nu deꞌuwan gakkiya metoynne azzanttiyaabay Xoossaa qofissiishsha yaagoosona. Intte qofay shin aybee? [Zaaro immanaashin takki ga. Yaatada, Mazamure 34:18 nabbaba.] Sintta 19n deꞌiya huuphe yohoy keehippe azzaniyoogaa, goꞌꞌi baynnabadaaninne keehippe mooranchadan bana xeelliyoogaa mala hanotaa agganau Xoossay waatidi maaddiyaakko qonccissees.”

Beegottite! Xiqimita

“Issi issi asay Xoossay bolli baynna wolqqa giidi qoppees. Harati qassi, i bolli deꞌiyo, qoppiyaaba giidi qoppoosona. Intte qofay shin aybee? [Zaaruwaa immanaashin takki ga.] Ha ufayssiya qofaa akeekite. [1 PHeexiroosa 5:6, 7 nabbaba.] Sinttaa 29n doommiya huuphe yohoy, Xoossay ubbasan deꞌiyaabee? giya oyshau Geeshsha Maxaafaappe zaaruwaa immees.”

Wochiyo Keelaa Hidaare 1

“Nu ubbaykka nu duussan ufayttana koyoos. SHin, miishshay tumu ufayssaa ehees giidi qoppeetii? [Zaaro immanaashin takki ga.] Geeshsha Maxaafaa xaafidaageetuppe issoy, bau deꞌiya guuttaban waanidi ufayttana danddayiyaakko tamaariis. [Piliphphisiyuusa 4:11, 12 nabbaba.] Ha maxeetee ufayssaa demmanaadan maaddiya, Geeshsha Maxaafaa giddon deꞌiya ichashu waannabata yootees.”

Beegottite! Hidaare

“Xoossay baawa giidi ammaniya issi issi asati Xoossaa sunttan oosettida iitabaa yootiyoogan, haymaanootee deꞌennaakko loꞌꞌo giidi qoppoosona. Intte qofay shin aybee? [Zaaro immanaashin takki ga.] Worddo haymaanootee metuwau gaaso gidido issi hanotay hagan qoncciis. [2 Ximootiyoosa 4:3, 4 nabbaba.] Ha maxeetee Xoossi ba giya asatu qofay bala gidido issi issi hanotaa qonccissees.”