“Issi Ura Koshshaa Denttettana Danddayiya Takkida Maxeetiyaa woy Brooshuriyaa Imma”

Geeshsha Maxaafay Tamaarissiyoy giya maxaafaa asau immiyo aginan, koyro gallassi xinaatiyaa doomissanau baaxetiyo wode, haasayissiyo uray hegaappe kase he maxaafaa demmidabanne xannaꞌanau koyennaagaa gidiyo wode ubban, ‘issi ura koshshaa denttettana danddayiya takkida maxeetiyaa woy brooshuriyaa immanaadan’ nuuyyo minttettoy odettiis. Aybissi?

Brooshuretinne takkida maxeeteti goꞌꞌiya dumma dumma qofaa oyqqidosona. He xuufetuppe issuwan deꞌiya qofay haasayissiyo ura wozanaa denttettana danddayees. Yaatiyo gishshau, haggaazuwau kiyiyo wode dumma dumma brooshuretanne takkida maxeeteta oyqqa. Neeyyo takkida maxeeteti deꞌennaba gidikko, xuufe kifiliyaappe amaridaagaa ekkana danddayaasa. Ne haasayissiyo urau Geeshsha Maxaafay Tamaarissiyoy giya maxaafay deꞌiyaabanne i xannaꞌanau koyennaba gidikko, ne oyqqido maxeetetuppe woy brooshuretuppe koyiyoogaa ekkanaadan he ura shoobba. Yaatada, koshshaa denttettanau zaarettada oychanau hanotaa giigissa. Geella takkidi he uri Geeshsha Maxaafaa xannaꞌana danddayees.