Yihoowa Markkata—Oosuwan Qonccida Ammanuwaa, SHaaho 1: Xumaappe Kiyiyoogaa
Geeshsha Maxaafay pooꞌuwaa tumaara, qassi xumaa wordduwaara geeddarssees. (Maz. 43:3; Isi. 5:20) Seexaanay Hewaano balettido wode, alamiyan xumay wodhanaadan oottiis; qassi wurssettan alamee sakkana xuman oyqqettanaadan oottiis. (Ajj. 12:9) Yihoowa Markkata—Oosuwan Qonccida Ammanuwaa, SHaaho 1: Xumaappe Kiyiyoogaa giya biidoy, xuman ayyaanaa pooꞌoy pooꞌiyoogaa doommidoogaa qonccissees. (Isi. 60:1, 2) Ha biiduwaa beꞌa simmada, kaallidi deꞌiya oyshata zaarana danddayay?
(1) Yesuusi kiittidoogeeti hayqqi simmin, sakkana xumay xumiyoogaa doommidoy ayba ogiyaanee? (2) Woosa keettati tumaa tamaarissennaagaa, 1100 M.Lppe doommidi deꞌiya wodetun asay akeekanaadan maaddidabay aybee? (3) Heneri Giriwunne Jorj Sttors giyo asatubaa ay eriyoo? (4) CHarles Tez Rasili laamettanaadan oottida, i ba deꞌuwan beꞌidobay aybee? (5) Ishaa Rasili, a aawaynne aara erettiya amarida asati Geeshsha Maxaafaa waatidi xannaꞌidonaa, eti Geeshsha Maxaafaa maaran waatanau kuuyidonaa? (6) Eti Nelssen Barbera citaara gayttidoy aybissee, shin Ishaa Rasili appe shaahettidoy aybissee? (7) Ayyaanaa pooꞌoy pooꞌiyoogaa doommanaadan, Isiine 1879n hanettidabay aybee? (8) Hegaappe simmin, gujji gujji biya Geeshsha Maxaafaa Tamaareti mishiraachuwaa yootanau ay oottidonaa? (9) Daro layttappe kase, Geeshsha Maxaafaa Tamaareti 1914n aybi hanana giidi naagidonaa? (10) Ishaa Rasili hayqqi simmin, Geeshsha Maxaafaa Tamaareta gakkida metoy aybee? (11) Ishaa Razerforddinne hara ishati qashuwaappe birshshetti simmin Geeshsha Maxaafaa Tamaareti ay oottidonaa? (12) Ha biiduwaa beꞌiyoogee neeni Yihoowa dirijjitiyaa loytta akeekanaunne nashshanau waati maaddidee? (13) Metoy deꞌishinkka neeni mishettada sabbakanau murttido hanotan minnanaadan ha biidoy waati maaddidee? (14) Nu dabbota, Geeshsha Maxaafaa xannaꞌissiyoogeetanne harata maaddanau ha biiduwaa waati goꞌettana danddayiyoo?
Geeshsha Maxaafaa Tamaareti ayyaanaaban alꞌꞌo gidida woytuwaa nuna laatissidosona. Ayyaanaaban xuma gidida alamiyan eti xalidinne mishettidi pooꞌuwaa pooꞌissidosona. Nuuni eta leemisuwaa kaalliyaageetanne “poo7uwan de7iya asaadan poo7uwan” hemettiyaageeta gidoos.—Efi. 5:8.