Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Mata wodeppe doommidi asay kiitanchatubaa eranau keehi koyees. Intte kiitanchati deꞌoosona giidi qoppeetii? [Zaaranaashin takki ga.] Hegaara gayttidaagan ha maxeetiyan qonccidabaa beꞌite.” Isiine 1 Wochiyo Keelaa haasayissiyo uraassi immada, sinttaa 16n koyro sima huuphe yohuwan deꞌiya qofaanne hegan deꞌiya xiqisiyaappe guuxxiis giishin issuwaa tobbite. Maxeeteta keettaawau immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Isiine 1

Mazamure 65:2 nabbaba. Yaatada hagaadan ga: “Daroti ha qofaa, giishin Xoossay ‘woosaa Siyiyaagaa’ gidiyoogaa maayoosona, qassi ubbatoo woossoosona. SHin harati, ‘Xoossay deꞌiyaaba gidikko, alamiyan daro metoy deꞌiyoy aybissee?’ giidi qoppoosona. Intte qofay shin aybee? Nu woosaa siyiya Xoossi deꞌii? [Zaaranaashin takki ga.] Ha maxeetee, ‘Woosaa Siyiyaagee tuggaa coꞌꞌu giidi xeelliyoy aybissee?’ giya oyshaa Geeshsha Maxaafaappe zaarees.”

Beegottite! Isiine

“Ha alamiyan issibaa xayssana danddayiyaakko, awugaa xayssuuteetii? [Zaaranaashin takki ga.] Asaa naati oottana koyiyo ubbabaa polanau danddayennay aybissakko Geeshsha Maxaafay yootees. [Ermmaasa 10:23 nabbaba.] Ha maxeetee Xoossay ay giigissanau halchidaakko qonccissees.”