Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Daro asay Yesuusabaa erees. Nuuni asay Yesuusabaa darotoo oychiyo issi oyshaa zaarana koyoos. Hagaadan qoppi ereetii?” Hosppune-Tamme Wochiyo Keelaa haasayissiyo uraa bessada, wurssetta sinttan deꞌiya koyro oyshaanne guuxxiis giishin issi xiqisiyaa tobbite. Maxeeteta au immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Hosppune-Tamme

“Yesuusi hayquwaappe denddidoogaa daro asay erees. SHin Yesuusa hayqoynne denddoy banttana waati goꞌꞌiyaakko daroti erokkona. Hegaabaa qoppi ereetii? [Zaaranaashin takki ga.] Ha xiqisiyan qonccida goꞌꞌaa akeekite. [1 Qoronttoosa 15:20-22 nabbaba.] Yesuusa denddoy nuna ubbaa waati goꞌꞌiyaakko ha maxeetee qonccissees.”

Beegottite! Isiine

“Hagaa heeran deꞌiya keetta asaara Xoossaa Kawotettaabaa Geeshsha Maxaafaappe tobbiiddi deꞌoos. Yesuusi he Kawotettaabaa nuuni woossana mala yootidoogaa hassayennan aggekketa. He kawotettay yiyo wode ay oottanee? [Zaaranaashin takki ga.] Daaneela 7:14 nabbabiyaakko shin? [Nabbabada qonccissa.] Ha maxeetee Xoossaa Kawotettay ehiyo hara anjjota, qassi sinttappe ufayssiya hidootay deꞌiyoogaa qonccissiyo gishshau, intte nabbabanaadan shoobboos.”

Xoossaappe Yiya Mishiraachuwaa!

“Hagaa heeran deꞌiya keetta asaara minttettiya qofaa Geeshsha Maxaafaappe tobbiiddi deꞌoos. Nuuni haasayissido daroti siiqo Xoossay ha alamiyan daro metoynne tuggay deꞌanaadan paqqadidoy aybissakko oychoosona. Metoynne tuggay Xoossay koyroppekka ha saꞌaayyo halchidoba giidi qoppeetii?” Zaaranaashin takki ga. Hegaappe simmin, timirtte 5 kessada, koyronne naaꞌꞌantto menttuwaanne geddi gi xaafettida xiqisiyaa nabbabidi tobbite. Brooshuriyaa immada, kaallidi deꞌiya borxxu giidi xaafettida oyshaa tobbanau hara gallassi yaanau keera.