Xinaatiyaa Doomissanau Maaddiya Ooratta Biiduwaa
Geeshsha Maxaafaa Xannaꞌana Koshshiyoy Aybissee? giya qanttan giigida ooratta biiduwaa jw.org sayttiyaa xomoosiya daro asay beꞌiiddi deꞌees. Ha biidoy Geeshsha Maxaafaa nunaara naxan xannaꞌana koyiya asaa denttettanau giigiis. Nu Weyb sayttiyan tohossa baggan “Geeshsha Maxaafaa Tamaaranau” yaagiyaagaa kessiyoogan woy ooratta trakttetu wurssetta sinttan deꞌiya QR (quick response) giyo kooddiyaa nabbabissiyoogan he biiduwaa beꞌana danddayettees. He biiduwaa hagaappe kaallidi deꞌiya ogiyan loytti goꞌettana danddayoos.
Haasayissido uraa zaarettada oychiyo wode, “Neeni oychiyo oyshau Geeshsha Maxaafaappe waatada zaaro demmana danddayiyaakko qonccissiya, qanttan giigida issi biiduwaa bessoo?” yaaga. I eeno giyaaba gidikko, moobayliyan woy komppiyuteriyan he biiduwaa bessa.
Haggaazuwau kiyennan markkattiyo wode woy dabaaban markkattiyo wode ooratta trakttiyaa asau immiyaaba gidikko, QR giyo koodiyaa bessada hegaa i ba moobayliyan nabbabissanaadan yoota. Daro qaalan QR koodiyaa nabbabissiyo wode nu Weyb sayttiyan deꞌiya biiduwaa kessiyo gishshau, ne moobayliyan he biiduwaa bessana danddayaasa.
Nenaara oottiyaageetuyyo, nenaara tamaariyaageetuyyo, dabbotuyyoonne eriyo hara asatuyyo he biiduwaabaa yoota; qassi eta bessa. He biidoy nu Weyb sayttiyan deꞌiyoogaa yootada, eti hegaa beꞌanaadan minttetta.
Ha ooratta biiduwaa goꞌettidi, daro xinaateta xannaꞌissana danddayoos; qassi ‘merinaa deꞌuwaa’ demmanau suure wozana koshshay deꞌiyoogeeta ayyaanaaban maaddana danddayoos.—Oos. 13:48.