Godaa Kahuwawu Giigettiiddi Deꞌeetii?
Wodee Niisaana 13, 33 M.L. Yesuusi hayqqanaappe kase ba mata laggetuura issippe wodiyaa aattanawu issi qamma xallay attidoogaa erees. I etaara wurssetta Paasikaa bonchidi, Godaa Kahuwaa giyo ooratta baalaa essana. Hegaa mala gita baalawu giigettana koshshiyoogee qoncce. Yaatiyo gishshawu, issi issibaa kasetidi giigissanaadan PHeexiroosanne Yohaannisa kiittiis. (Luq. 22:7-13) He wodeppe doommidi, layttan layttan Godaa Kahuwaa baalaa bonchana koyiya Kiristtaaneti hegawu giigettiyoogee bessiyaaba. (Luq. 22:19) Hosppune 3n Godaa Kahuwaa baalaa bonchanawu giigettiyo wode nuuni oottana bessiyo waannabati aybee?
Ishati, Michoti Kasetidi Oottanabaa:
Godaa Kahuwawu asaa shoobbiyo zamachan loyttidi haggaazanawu halchite.
Intte xinaateta, dabbota, inttenaara tamaariyaageeta, inttenaara oottiyaageetanne intte eriyo hara asata xaafi oyqqidi shoobbite.
Godaa Kahuwaa wodiyan nabbabiyo Geeshsha Maxaafaa xiqiseta nabbabidi wotti dentti qoppite.
Godaa Kahuwawu kaseti biidi imattata mokkite.