Ne Deꞌuwan Yihoowa Sabba!

Deꞌoy alꞌꞌo imota. Nuuni ha imotaa goꞌettiyo ogee deꞌuwaa ay keenaa nashshiyaakko bessees. Nuuni Yihoowa Markkati, nu imotaanne eraa Deꞌuwaa Immidaagaa, Yihoowa bonchanawunne sabbanawu goꞌettanawu baaxetoos. (Maz 36:9; Ajj 4:11) SHin ha alamiyan, galla galla deꞌuwawu hirggiyoogee nuuni ayyaanaabaa kaseyennaadan oottana danddayees. (Mar 4:18, 19) Nuuni huuphiyan huuphiyan hagaadan nuna oychana bessees: ‘Taani tawu deꞌiya keehi loꞌꞌobaa Yihoowassi immaydda deꞌiyaanaa? (Hoo 14:2) Ta oosoy taani Yihoowassi haggaazennaadan diggii? Ayyaanaaban ta hoollee aybee? Kaseegaappe aaruwan waata haggaazana danddayiyaanaa?’ Hegaara gayttidaagan intte giigissiyoobi deꞌikko, Yihooway maaddanaadan woossite; qassi oottana bessiyaabaa oottite. Yihoowa galla galla sabbiyoogee ufayssiya deꞌuwaa deꞌanaadan oottiyoogaa aynne siroppite!—Maz 61:8.

NEEYYO DEꞌIYA IMOTAN YIHOOWAYYO OOTTA GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Intte imotaa Seexaanaa alamiyawu immiyoogee eeyyatetta gidiyoy aybissee? (1Yoh 2:17)

• Banttawu deꞌiya loꞌꞌobaa Yihoowassi immiyaageeti demmiyo anjjoy aybee?

• Inttessi deꞌiya imotaanne eraa boncho ooso gidida ogetuppe awugan goꞌettana danddayeetii?