‘Saꞌaa Bollan Deꞌiya Asi Ubbi Issi Doonan Haasayees’

11:1-4, 6-9

Baabiloonen, Yihooway azazettibeenna asatu doonaa dummayiyoogan eta laaliis. Ha wodiyan, Yihooway zare ubbaappenne qaala ubbaappe zaway baynna daro asawu ‘geeshsha haasayaa’ immiyoogan eti ‘ubbaykka Yihoowa sunttaa xeeganaadaaninne issippe ayyo oottanaadan’ shiishshiiddi deꞌees. (Sof 3:9; Ajj 7:9) Ha ‘geeshsha haasayay’ woy doonay Yihoowabaanne A halchchuwaabaa qonccissiya Geeshsha Maxaafan deꞌiya tumaa.

Ooratta doonaa tamaariyoogee ooratta qaalata hassayiyoogaa xalla gidenna. Hegee ooratta ogiyan qoppiyoogaa tamaariyoogaa koyees. Hegaadankka, nuuni geeshsha gidida tumaa doonaa tamaariyo wode nu qofay laamettees. (Roo 12:2) Hagee Xoossaa asay ubbatoo issippetettan deꞌana mala maaddees.—1Qor 1:10.