Seeray—Yihooway Nuna Siiqiyoogaa Qonccissiyaaba

Seeray darotoo kaaletuwaanne timirttiyaa qonccissiyaaba gidikkonne, suurissiyoogaanne qaxxayiyoogaakka qonccissiyaaba. Yihooway A ufayssiya ogiyan nuuni ayyo goynnana mala nuna seerees. (Roo 12:1; Ibr 12:10, 11) Seeraa ekkiyoogee issi issitoo deexxana danddayikkonne, xillo gidanaadaaninne anjjettanaadan oottees. (Lee 10:7) Seeriyaageetinne seeraa ekkiyaageeti hassayana koshshiyaabay aybee?

Seeriyaagaa. Cimati, yelidaageetinne harati kehatettaaninne siiquwan Yihoowaagaadan seeranawu baaxetoosona. (Erm 46:28) Imettiya seeray wolqqaama gidikkonne, hanotaadaaninne siiquwan gidana koshshees.—Tii 1:13.

Seeraa ekkiyaagaa. Nuussi imettiya seeray ayba gidikkonne, hegaa eqettiyoogaappe sohuwaara oosuwan peeshshana bessees. (Lee 3:11, 12) Nuuni nagaranchcha gidiyo gishshawu, nuussi ubbawu seeray koshshees, qassi hegee dumma dumma ogiyan imettana danddayees. Nuuni Geeshsha Maxaafaappe nabbabiyooban woy gubaaꞌe shiiquwan siyiyooban seerettana danddayoos. Woy qassi issi issitoo pirdda konttee nuna seeriyoogee koshshana danddayees. Nuuni seeraa ekkidi oosuwan peeshshikko, nu deꞌoy giiga gidananne nuuni merinawu deꞌana.—Lee 10:17.

YIHOOWAY ‘BA SIIQIYO URAA’ SEEREES GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• 

  Kanoni naatettan ay mala deꞌo deꞌidee, qassi hegee waani laamettidee?

• 

  Yihooway A siiquwan waati seeridee?

• 

  A taarikiyaappe nuuni ay tamaariyoo?