Deꞌuwan Hanidabaa

Asa Ubbawu Qarettiyogaa Bessite

Issi gallassi, Niwu Zilanden deꞌiya issi michchiya Yihooway qarettiyogaa xalla gidennan, hegaa oosuwan bessidoogaa qonccissiya biiduwa jw.org saytiyan beꞌaasu. (Isi. 63:7-9) A harata maaddiyabaa oottiyogan, eridobaa oosuwan peeshshanawu kuuyaasu. Guyyeppe he gallassan, A suuqiyan deꞌiyo wode, keetti baynna issi maccaaseera gayttada iyyo miyobaa shamma immaasu. Maccaasiya hegaa ekkaasu. He michchiya zaarettada iyyo qumaa efiido wode Metoynne Tuggay Xayanee? giyo trakttiya goꞌettada qanttan markkattaasu.

He maccaasiya yeekkiyogaa doommaasu. O yelidaageeti Yihoowa Marakka gidiyo gishshawu tumaa tamaarissidosona, shin A ayyaanaaban diccabeykku. Gidikkonne, A Yihoowakko simmanawu I maaddanaadan mata wode woossaasu. He michchiya iyyo Geeshsha Maxaafaa immin A xannaꞌanawu eeno gaasu.a

Nu dabbota, galchchan deꞌiya nu ishanttanne michchontta gujjin, asa ubbawu Yihoowagaadan qarettiyogaa bessana danddayoos. Qassi, haratussi markkattana danddayiyo ogiya koyiyogan qarettiyogaa bessana danddayoos.