Saynttistteti Bashshaa Gallassaa Saatiyaa Kaseppe Matayidosona—Geeshsha Maxaafay Woygii?

Ichchashe 24, 2023n, saynttistteti ha alamee xayiyo gallassay matidoogaa bessiya Bashshaa Gallassaa Saateea qamma bilahekko matidoogaa yootidosona.

• “‘Bashshaa Gallassaa Saatee’ asay issoy issuwaa xayssidi wurssana gallassaa bessiyaaba. Yukireene olaa, niyukleere olay doommana gi yayyiyoogaanne saꞌaa carkkuwaa hanotay iiti iiti biyoogaa malabatu gaasuwan, Masqqaynno gallassi, saynttistteti Bashshaa Gallassaa Saatiyaa awudeegaappenne aaruwan qamma bilahekko matayidosona.”—AFP Internashinal Tekist Wayer.

• “‘Bashshaa Gallassaa Saatee’ qamma bilahe gidanawu 90 sekkonddee attidoogee Armmageedooni keehi matidoogaa qonccissees giidi Masqqaynno galla saynttistteti yootidosona.”—ABC Oduwaa.

• “Kumetta saꞌaappe shiiqida saynttistteti, asay issoy issuwaa xayssiyo gallassay awudeegaappenne aaruwan keehi matattidoogaa akeekissidosona.”—Ze Gardiyan.

Asaynne saꞌay matan xayanee? Sinttappe hananabawu nuuni hirggana koshshii? Geeshsha Maxaafay woygii?

Sinttappe aybi hananee?

Geeshsha Maxaafay yootiyoogaadan, “biittai merinaukka laamettennan de7ees” qassi, asay aani “merinau de7ana.” (Eranchchaa 1:4; Mazamure 37:29) Yaatiyo gishshawu, asay ha saꞌaa muleera xayssana woy baysa soho oottana danddayenna.

Gidikkonne, alamiyaa wurssettaabaa Geeshsha Maxaafay yootees. Leemisuwawu, ‘ha saꞌay aadhdhanaagaa’ Geeshsha Maxaafay yootees.—1 Yohaannisa 2:17.

• Alamiyaa wurssettaa xeelliyaagan Geeshsha Maxaafay yootiyoobaa eranawu, “Ha Alamiyaa Wurssettay Matiiddi Deꞌii? Apokalipis Giyoobay Aybee?” giya huuphe yohuwaa nabbaba.

• Sinttappe saꞌan hananabati awude hananaakko Geeshsha Maxaafay yootiyoobaa eranawu, “Ha Alamee Xayanay Awudee?” giya huuphe yohuwaa nabbaba.

Ubbatoo loꞌꞌobaa qoppiyoogaa

Ha alamiyan metoy deꞌishinkka nuuni ubbatoo loꞌꞌobaa qoppanaadan Geeshsha Maxaafay maaddees. Waatidi?

• Geeshsha Maxaafay maaddiyaabaa zorees. (2 Ximootiyoosa 3:16, 17) Leemisuwawu, deꞌuwan metoy gakkishinkka ubbatoo loꞌꞌobaa qoppanaadan Geeshsha Maxaafay waati maaddana danddayiyaakko eranawu, “Unꞌꞌissiyaabaa Waata Genccana Danddayay?” giya huuphe yohuwaa nabbaba.

• Geeshsha Maxaafay sinttanaabaa xeelliyaagan ammanttiyaabaa yootees. (Roome 15:4) Geeshsha Maxaafay ha wodiyaaninne sinttappe hananabaa yootees; hegee alamiyan haniyaabati deꞌishinkka, nuuni ammanettidi deꞌanaadan maaddees.

Geeshsha Maxaafaabaa loyttada akeekanawu, miishsha qanxxennan nunaara Geeshsha Maxaafaa xannaꞌanaadan shoobboos.