Carkkoy Laamettiyogan Gakkiya Metuwa—Xoossaa Kawotettay Ay Oottanee?

“Carkkuwa hanotay laamettiyogee asaa, katamaanne deꞌon deꞌiyaba ubbaa bolli daro metuwa gattiiddi deꞌees. Carkkoy laamettiyogaa gaasuwan denddiya wolqqaama gotee, daro biittan keettaanne asawu deꞌiyabaa xayssiiddi deꞌees. Abbaa carkkoy keehi hombbiyogaappe denddidaagan, deꞌon deꞌiyabatuppe daro qommoti xayana danddayoosona.”—Iner Anderseno, Kawotettatu Issippetettaa sima xaafiyonne Kawotettatu Issippetettaa Heeraa Prograamiya Gadaayiyo, Isiine 25, 2023.

Ubbasan deꞌiya ha metuwa qaaranawu kawotettati hashetidi oottanee? Eti tumuppe ha metuwa muleera qaarana danddayiyonaa?

Carkkoy laamettiyogaa gaasuwan gakkiya meto ubbaa xayssana danddayiya issi kawotettay deꞌiyogaa Geeshsha Maxaafay yootees. Saꞌaa haarananne saꞌan deꞌiya meto ubbaa xayssana kawotettaa ‘saluwa Xoossay essanaagee’ an odettiis. (Daaneela 2:44) He kawotettay haariyo wode, asay issoy issuwa qohenna woy ha saꞌaa bashshenna. (Isiyaasa 11:9)