Meto Wodiyan Waani Ufayttana Danddayiyoo?—Geeshsha Maxaafay Woygii?

Ha wayssiya wodiyan, nu bolli gakkiyaba ubbaa teqqana danddayokko. Gidikkokka, nu ufayttanaadan oottiyay darotoo nu xeelaappe attin nu hanotaa gidenna. Eta metoy gakkishinkka ‘ufayttiya asati ubbatonkka bantta deꞌuwa aliyogaa’ Geeshsha Maxaafay yootees. (Leemiso 15:15) Nuuni loytti ufayttanawu ay oottana danddayiyoo? Geeshsha Maxaafaa zoree nena waati maaddiyakko akeeka.

Unꞌꞌissiyabaa gencciyogaa

Geeshsha Maxaafay hagaadan gees: “Hirggiyoogee asa ufaissaa diggees; shin shonggaara de7iya haasayai a ufaissees.”—Leemiso 12:25.

• Geeshsha Maxaafay neeni darin unꞌꞌettennaadan maaddana danddayees. Waati maaddiyakko eranawu, “Unꞌꞌettiyogaabaa Geeshsha Maxaafay Woygii?” giya huuphe yohuwa nabbaba.

Boorasiya xooniyogaa

Geeshsha Maxaafay hagaadan gees: “Laggee mule wodekka siiqees; ishaikka metuwaa wode maaddanaassi yelettees.”—Leemiso 17:17.

• Geeshsha Maxaafay neeni haratuura laggetettaa minttiyogan boorasiya xoonanaadan maaddiya zoriya yootees. “Haratuura Laggetiyogan Boorasiya Xooniyogaa—Geeshsha Maxaafay Waati Maaddii?” giya huuphe yohuwa nabbaba.

Xoossaanne shooruwa mintti siiqiyogaa

Geeshsha Maxaafay hagaadan gees: “Neeni ne Xoossaa Yihoowa ne kumetta wozanaaninne ne kumetta shemppuwan, qassi ne kumetta qofan siiqana bessees. . . . Ne shooruwa nena siiqiyogaadan siiqana bessees.”a—Maatiyosa 22:37-39.

• Woosay nuuni kaseegaappe aaruwan Xoossaa siiqanaadan maaddana danddayees. Gujjada eranawu, “Xoossay Nu Woosaa Siyii?” giya huuphe yohuwa nabbaba.

• Issoy Issuwawu Loꞌꞌobaa Oottanaadan Yesuusi Tamaarissidobaa kaalliyogan harata siiqoos. Hegaabaa gujjada eranawu, “Issoy Issuwawu Loꞌꞌobaa Oottanaadan Yesuusi Tamaarissidobay Aybee?” giya huuphe yohuwa nabbaba.

Meto wodiyan ufayttanaadan Geeshsha Maxaafay nena waati maaddana danddayiyakko ayssi gujjada tamaarikkii? Yaatanawu, miishsha qanxxennan Geeshsha Maxaafaa xannaꞌanaadan nena shoobboos.