Haratuura Laggetiyogan Boorasiya Xooniyogaa—Geeshsha Maxaafay Waati Maaddii?

Payyatettaa eranchchati, 2023n eesuwan issibaa oottana koshshiyo wolqqaama payyatettaa metoy boorasiya xooniyogaa gidiyogaa akeekidosona. Boorasiya xoonana danddayettii?

• Amarkkaa asaa payyatettaa halaafee Dottoriya Vivek Murtti, “Booraseenne haratuppe shaahettiyogee nu payyatettaa keehi qohananne ufayssaa xayssana danddayiyogaa” yootiis. I gujjidi hagaadan giis: “Nuuni oottana danddayiyobi deꞌees.” Waatana danddayiyoo? “Haratuura laggetettaa minttanawu maaddiya guuttabata ubba galla oottana danddayoos.”a

Boorasanaadan oottiyabay haratuppe shaahettiyogaa xalla gidenna. Amaridaageeti keehi daro asaara deꞌiiddikka boorasana danddayoosona. Nuuni boorasanaadan oottiya gaasoy ayba gidikkokka, Geeshsha Maxaafay maaddana danddayees. Nuuni laggetettaa minttiyogan boorasiya xoonanaadan maaddiya loꞌꞌo zoree an deꞌees.

Maaddiya Geeshsha Maxaafaa Maarata

Haratuura loytta haasaya. Hegee neeyyo siyettiyabaa haratuyyo yootiyogaa xalla gidennan, loytti ezggiyogaakka bessiyaba. Neeni haratuyyo siyettiyabaa kaseegaappe aaruwan akeekiyo wode, intte laggetettay keehi minnana.

• Geeshsha Maxaafay yootiyo maaraa: “Issoi issuwaa go77iyaabaa koyanaappe attin, intte huuphe xalaalaa go77iyaabaa koyoppite.”—Piliphphisiyuusa 2:4.

Dumma dumma asaara laggeta. Neeppe bayratiyageetuura woy kaalotiyageetuura, woykko wogay woy yelettido biittay neegaappe dumma gididoogeetuura laggeta.

• Geeshsha Maxaafay yootiyo maaraa: “Intte uluwaa aassi [dooyite].”—2 Qoronttoosa 6:13.

Haratuura mino laggetettaa waati medhdhana danddayiyakko gujjada eranawu, “Laggeta Demmanawu Amottiyo Amuwa Aliyogaa” giya huuphe yohuwa nabbaba.