Yihoowa Markkati Issi Issi Pilimeta, Maxaafata, woy Yettata Diggiyoonaa?

CHii. Issi uri ay mala pilimeta beꞌanaakko, ay mala maxaafata nabbabanaakko, woy qassi ay mala yettata siyanaakko nu dirijjitee higgiyaa kessenna. Aybissi?

Geeshsha Maxaafay ubba asaykka ‘iitaa kehaa shaakki eranawu’ ba akeekaa abbiyaa loohissanaadan minttettees.—Ibraawe 5:14.

Wodiyaa aattiyoobaara gayttidaagan suurebaa kuuyanaadan Geeshsha Maxaafay nuna maaddees.a Nuuni “Godaa ufaissiyaabai aibakko” shaakki eranawu awudekka koyoos.—Efisoona 5:10.

Bantta soo asay aybin wodiyaa aattennaadan naagettana koshshiyaakko kuuyanawu so asawu huuphe gididaageetuyyo aawatettay deꞌiyoogaa Geeshsha Maxaafay yootees. (1 Qoronttoosa 11:3; Efisoona 6:1-4) Gidoppe attin, so asa yara gidenna harati ay beꞌananne siyana koshshennaakko, etawu yootanawu oossinne maati baawa.—Galaatiyaa 6:5.