Looxe Macheebaa Qoppite

Looxe machchiyaa Sadoomappe baqataydda guyye xeellidoy aybissee? Hegaa gaasuwaa Geeshsha Maxaafay yootenna. (Doo 19:17, 26) Yesuusi hegaa xeelliyaagan yootido qofaa yuushuwan deꞌiyaabay A aggada kiyidobaa amottidoogaa bessees. (Luq 17:31, 32) Nuuni Looxe machcheegaadan Xoossan nashettennaadan oottiyaabaappe waani haakkana danddayiyoo? Nu deꞌuwan aquwaa sinttayanawu bichchaarana bessenna. (Maa 6:33) Yesuusi nuuni “Xoossaasinne miishshaassi haarettanau” danddayennaagaa yootiis. (Maa 6:24) SHin aquwaabay nuuni ayyaanaabaa sinttayennaadan diguwaa doommidoogaa akeekikko shin? Nuuni laamettana koshshiyoobi aybakko eranawu akeekaa immanaadan, qassi xalidinne minnidi hegaadan oottanaadan Yihooway maaddana mala woossana danddayoos.

LOOXE MACHEEBAA QOPPITE GIYO HEEZZU SHAAHO BIIDUWAA HASSAYIDI, KAALLIDI DEꞌIYA OYSHATA ZAARITE:

• 

  Glora daro miishshaa demmana koshshiyoogaa siyidobay A qoppiyoobay, haasayiyoobaynne oottiyoobay kaseegaappe dummatanaadan oottidoy ayba ogiyaanee?

• Looxe machchiyaa oottidobaappe ha wodiyan ay tamaariyoo?

• Geeshsha Maxaafay yootiyo maaraa oosuwan peeshshidoogee Joꞌanne A soo asaa waati maaddidee?

• Aana oottiyoosan deꞌiya laggeti waatidi A ayyaanaaban shugganaadan oottidonaa?

• Nuuni nu deꞌuwan miishshaa sinttayanaadan harati denttettiyo wode xalana koshshiyoy aybissee?

• Breninne Glora zaarettidi ayyaanaabaa waati sinttayidonaa?

• Ha biiduwaappe neeni akeekido Geeshsha Maxaafay yootiyo maarati aybee?